مادري شقايل ببدا بمشكلتيه ..المهم انا عنديه بنت عمرها 15 سنه وهاي بجريه ..واعاملها شرا الوحده يوم الوحده يوم اتعامل ختها ..وكل الي تباه مجاب بس هي تاشر وانا اقولها ان شاء الله .. الي تبينه ..والبسها اغلى وارقى شي ودوم اعطيها ما ابخل عليها بشي بس عسب وما اتقول اني امقصره فيها بشي ..وتعالو شوفو معاملتها لي ماشي احترام امرره والا اسلوبها ف الرمسه ويايه ..ترمسني جاني ربيعتها ردودها عليه كل كلمه اتعقها عليه كبر اليبل ..وتنطربي على اي كلمه .. حتى ابوها اضاربه ما تحترمه ..يوم ايزاعج عليها والا ايروغها يوم اطول لسانها تدعي عليه .. جان بتصدقون ..سبحان الله يوم هي اصغيره وتوها طايحه كنت فرحانه انه بنتيه ترمس قبل كل العيال اللي ف سنها ..كنا فخورين بها انا وابوها لانها وهي بنت سنه ما اتخلي اغنيه ونشيده ما اتعرفها .. والعيال اللي كبرها ما ايقولون كلمه .. كان ابوها روحه يلبسها ويبدل لها فساتينها ويصورها من كثر ما ايحبها .. كان ايقولي متى بتكبر وبتهمزني ( هذا عوقه ) دوم اقولها هرمسه وماشي فايده .. ابوها امسافر وما خلى شي ما يابه لها من السفر وماشي فايده ما اتحس ..اقولها بتيني جلطه منج .. اترد عليه الجلطه ما تيي جيه .. من اظهر وياها شويه نضارب ف السياره وانرد البيت ..ما اتحملها .. ومن اعزم اني اظهر انسى الي سوته فييه وازقرها فلانه بتسيرين ويايه ؟؟ ويستوي نفس الفلم .. خلاص تعبت .. لعوزتني هالبنت مادري شقايل اعاملها وباي اسلوب .. على فكره هي مشتركه ف المنتدى ولو تدريبي اني كاتبه عنها شو بتسوي بي .. البنت اتشوف عمرها حرمه عوده ..امصدقه عمرها انها عوده وادش تقرا مشاكل العضوات واترد ( امحق ردود)
الي بغيته منكن ابا اعرف شقايل اعالج هالمشكله الي فعلا تعبتني .. وكل خواتي يدعن لي بسبتها .. اللي ما بترد عليه على الاقل تدعي لها بالهدايه … والسمووحه منكن
ميروووه
ميرووووه
المشكله انكم بعدكم اتدلعونها وهي تعاملكم بهالإسلوب وخلج قويه وياها إذا قلت أدبها عليج لا تكلمينها وقسي قلبج شوي يمكن إتحس..
أهم شي إختي بلا دلع زاااايد والله يعينج
بس أحس دلعتوها زياده عن اللزوم
وهذي النتيجه
الله يصلحها
بس خل نضارب خخخخخخخخخخخخخ صارت زوبعه فالبيت كله وترضيض البيبان وكل وحد آخر شي تصيح
عرفت شي واحد وهي عرفت هالشي احنا ساعات مانطيق بعض ولا نستحمل نقعد مع بعض الا لازم نتضارب من سبة ان اطباعنا نفس الشي بالظبط بس يوم يطلع الشي منها اتنرفز واوصل حدي ويرتفع ظغطي وهي نفس الشي
ماعرف شقولج بس ترا البنت ما بتجيب الطبع ال منج وعشان جي ما اتطيقون بعض خخخخخخخخ
واليقولج عطيها عين حارة وهزبيها وادبيها سمحيلي لاتسمعين لهم لأن خلاص عودتيها عل نمط وهي مب ياهل عشان تردي تعوديها عل نمط ثاني الحين
بتقلب عليج ساعاتها من الزين >>>> سوتها فيني ماما وقلبت 180 درجه كرهت كل البيت
وبهالفتره البنت تحاول تبرزعمرها ولازم انتي تشجعيها عل هالشي ما تحبطيها ابد
يعني انها تدش المنتى وترد عل مشاكل العضوات لازم تشجعيها عل هالاشياء تخليها تحس ان لها شي لها حد يسمعها ما تقولين امحق ردود لأن جي بتحسسيها انها ولا شي
ماعرف شقولج اكثر ها ال عندي بس
الله يعينج احنا فالبيت عايشين نفس معاناتكم انتو من 15 سنه امااحنا 21 سنه
حاولوا تبينون لها ان المعاملة مع الاهل غيرعن التعامل مع ربيعاتها وفي نفس الوقت قوليلها ابا اكوون ربيعتج بس باسلوب راااقي عسب الاحترررام لانه لازم يكوون موجود امبينا
ولازم تصبرين عليها لانكم انتو اللي عودتها على هذا الاسلوووب وصعب انها تغيرره فجأه
التربية حزم واحترام وعقاب ودلال
يعني يوم تغلط عاقبيها ويوم تعمل شئ زيين دليلها
بس اذاهيه بكل الحلات مدللله لشو تحترمك
وبعدين الوازع الديني ودوره في توجييه
وانا ما بدي ازيدك حزن وزعل بس انتي امها بتتحمليها شو ما تسوي بس زوجها بالمستقبل ما في زوج يتحمل وحده ما تعرف شو يعني احترام
وسموحه اذا دايقتك بس حاولي تصلحي ما فات منك