اسباب نزول ماء الراس ؟؟

حبايبي انا حابه اخذ من خبرتكم لاني والله صج افكر وايد
بغيت اعرف شو هي اسباب نزول ماي الراس الجنين ماعرف جي يسمونه
انا ف ولادتي القبليه كانت الدكتوره تقولي وتطمني ان انا ولادتي اكيد طبيعيه وكل شي تمام
بس سبحان الله ف ثاني يوم من الشهر التاسع انصدمت ان في ماي ينزل وما كنت اعرف شو هذا؟؟
عقب قالوا لي ماي الراس ولا ماي البطن شي جي ؟؟
ورحت المستشفى وتميت يومين فالليبر وطلق صناعي وتحاميل وحاله وتعبت صج تعب مش معقول حتى قالوا لي ان الياهل نزل وفي انقباضات وكل شي
بس للاسف النفس ما طاعت تفتح الا 3 سانتي ونص وبمعاناه
دكتورتي اللي كانت رافضه اني اربي قيصري اقترحت هالشي من بعد ما شافت حالتي كانت تقولي ولدج المفروض ينزل وهو يتزحلق يعني انه صغيره وكل شي صح وقالت خلاص جسمج تعب بما فيه الكفايه والبيبي بدت دقاته تضعف طبعا امي وزوجي رافضين وانا اصريت لاني ما كنت ابا يستوي شي ف ولدي وضربت ابرة الظهر والحمدلله ربيت قيصري والله رزقني ولد قمر كان وزنه 2.300 اتوقع او شوي اكثر بس كل شي طبيعي وسليم مايشكي من اي شي لله الحمد

..
اللحين اللي ابا اعرفه هل سبب عدم فتح النفس ان البيبي صغير ومافيه قوه ولا هالمعلومه غلط ؟؟
ولا ان الجسم تعب ولا شو السالفه بالضبط؟؟

لاني بصراحه حالفه ان هالمره لو نزل الماي بقولهم ولدوني قيصري مابا اعاني نفس قبل حسيت بالولاده الطبيعيه والقيصريه سوا هلكت .. ؟؟
شي ثاني ان انا رحت عند استشاريه وقلت لها عن ولادتي القبليه وان نزل ماي الراس وقالت لي ما ينزل الا اذا في التهابات وانا طول 9 شهور يوم كنت حامل ما قالت لي الدكتورة ان فيني اي التهاب ولا اي عله ؟؟

قالوا لي 70 % من اللي يربون قيصري اول مره يربون طبيعي ثاني مره ولما سالت هالاستشاريه اللي قلت لكم عنها قالت لي نحن بنحاول وياج طبيعي لان مب مذكور ان كان في سبب يمنع الولاده الطبيعيه لان اصلا النفس بس ما فتحت لازم تاخذين حقج من المحاوله بس لازم تضربين الابره قبل اتوقع عشان احاول جهدي هي جي تقصد

احترت انا حامل اللحين وخايفه مابا اعاني نفس قبل صحت لين تورمت عيوني
والله مب مشكله القيصري عندي اهم شي البيبي وصحته ف نظري بس مابا اتعب نفس قبل مابا المعاناه تتكرر
وطبعا ان ربيت طبيعي خير ونعمه ما بقول لا ..

بليز افيديوني ادري طولت ريحوا اختكم ..