استخراج فيزا شنغن من السفاره الالمانيه أبوظبي

السلام عليكم بسافر الشهر الياي ومتوهقه مالقيت مكاتب يسون لي فيزا الشنعن لالمانيا يقولون لازم نحن نسير انسويها بليييز بنـًآآتٍ اللي سوت من قريب الشنغن. شو?الاشياء المطلوبه. بالظبط دخلت الموقع مالهم وما فهت شيء دار راسي .. ابا اعرف بالضبط شُـو?ـِ? مطلوب .. واذا تعرفون رقم مندوب يسولي الفيز بكون شاكره لكم وايد .. للعلم نحن بنكون شخصين وطفل عمره سنه ونص

هيه حبوبه الحين لازم تعبين الفورم وتاخذين موعد وكله من موقع السفاره وتسيرين عالموعد عشان البصمه

هيه الغاليه لازم آنتي تسيرين عشان البصمه

احنا نخلي مكتب يسوي لنا كل الاجراءات من حجز موعد و كل شيً بس احنا لازم نسير عشان البصمه

اذا انتي من بوظبي احنا نتعامل مع مكتب المسعود ياخذون 800 ع الشخص اتصلي و شوفي اذا غيرو الأسعار و شو بيقولون لج

مرحبا ختيه

دشي هالموقع

https://www.visaservices.firm.in/Jva…ppWelcome.aspx

وحجزي لج موعد لان احين لازم بصمه

المطلوب
ضمان صحي اطلعينه من ثقه
وصورتين خلفيه بيضه
حجز السكن
حجز التذاكر
الابلكيشن اتعبينه واذا ما عرفتي
له عندج مكتب الفجر في العين

بس اهم شي تحجزين لج موعد

موفقه يا رب

بالضبط نفس كلام الخوات

السلام عليكم ورحمة الله وبركاته

اذا حجزتي موعد من النت بيكلف ايتخراج الفيزا 450 درهم

اذا بتسيرين بدون موعد بيكلف الامر 550 درهم

فيه مكتب تحت مكتب الي يخلص الفيز وتبصمين فيه

هالمكتب الى في الدور الي تحته على يدج اليسار اذا طلعتي الدرج من الدور الارضي

ينعي تعبيئه الفورم ب 50 درهم للشخص

بشرط توفرين الاشياء الي قالو عليها البنات

وموفقه ان شاءالله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.