انا قبل فتره كنت كاتبه هالموضوع
https://forum.uaewomen.net/showthread.php?t=1009046
والبنات الله يحفظهن ماقصرن بس حبيت اوضح لهن اني انا هب ثنويه عامه
انا ثاني ثنوي بس اشكرهن والله من كل قلبي ع النصايح والله فديتكن 
طبعا بما ان امس كانن الشهايد انصدمت وااايد لان نسبتيه كانت 73.08 تميت
اصيح على النسبه قلت في خاطري الحمد الله بس يوم جفت البنات نسبهن في الثمنين واالتسعين
يتني غص وطبعا في وحده في موضوعي اللي كنت كاتبتنه قبل قالت هذيلا البنات يبون يرسبونج وهن ينجحن ولو انا رسبت بيخلونج ولا بيفتكرون فيج كلامه صدق والله ..
بس الغصه اللي فيني اكثر ان ربعتيه وحده نسبتها اعلى مني فرق بيني وبين نسبتها بس 8 درجات
بس انا والله هب غيرانه بس القهر ان يوم e-cart مال الانقليزي كوبي بيست من عند وحده وتغش فالامتحانات والله ما اعرف كيف الله يهديها يارب .
بس اللي قهربي ان درجاتها حرام والله كل غش في غش استغفر الله انا لو اموت ما اغش ولا اغشش يعني مثل ماتقولون ان انا فالامتحان اللهم نفسي نفسي وما ابا اكون من اللي يطردون من دينا عشان درجات انا ماخذتهن بالحرام .
بس المسات الحمدالله لانهن يعرفني قالن خلاص انسي الفصل الاول واعتبري روحج هاي بداية السنه ويبي دبل عن الفصل الاول وطبعا هاي نصيحة من مساتي اللي اعتبرهن قدوه لي .
بنات بليز اللي تقدر تساعدني كيف اغير من نفسي ساعدوني فيني احباط مش طبيعي 
بقولكم اشياء واحس هاي الاشياء هيه اللي خلت نسبتيه داون:-
*كنت اغيب وااايد
*كنت اسمع كلام البنات اللي يقولن بنعوض الفصل الثاني والثالث ولاعليج من ها الفصل.
*كانت ربعتيه اللي عدالي واايد تهذرب وانا اسمع الكلام اللي تقوله.
*وكنت ما انتبه للشرح لانها ربيعتيه كانت تقول اووف ماتفهم وما اعرف شو وتقهر ومن هالكلام اللي يحبط وما كنت اهتم.
بس يوم يلست مع امي قالتهاي هب ربيعتج هاي بس تبا تضيع وقتج وترسبج تبا تكون احسن عنج وجي وطبعا امي زعلان عليه من هالنسبة قالت يوم كنت في عاشر نسيتج 89 والحين جي كيف وهي زعلانه وااايد بس وعدتها اني اعدل نسبتيه وقالت من ورا خاطر بنجوف
احمم مبروك للي نسبهن 80 و 90 وللاعلى ان شاء الله ^^ .
وعقبال ما انا تكون نسبتيه فالتسعين يارب
احس اني طولت عليكن السموحه منكن واتمنى انكن ترفع من معنوياتي اشوي واستانس فالردود
وطبعا انا ادري انكن ما بتقصرن .
وحبيت اشكركن مقدما وو ربي يحقق مرادكن يارب وعاي ورده مني لكن
.gif "12 (7)")
خلي هالنسسبة تخليييييييج تنطيين لجدآم وانتي الحمممدلله اللحين بعد مآشفتي الكل ع حقيقته عرفتي منو الصصح ومنو الغلط
حبيبتي انآ الحمدلله يآيبه نسبة فالتسعين وثانويه عامه بسس كنت ابي زوود عنهآ بسس مب معناته انه انآ مب يآيبتنهآ الفصل الاول يني بصصيح وبموت وبنتحر لاا بالعكسس بخلي هذآ آكبر دآفع لي اني اييبها الفصصل الــ2 وانتي احححححححلى شي عندج الوالده الله يحفظهآ فرحييهآ خليهآ دوم جدآم عيونج قولي انآ بييب النسسبة عششآن تششوف كييف بنتهآ الي تعبت علييهآ كل هالسنيين لآ تضيعيين نسسبتهآ حرآم والله
انآ لمآ دششيت على اهلي بالنسبة والله كانو مسستانسين و انا مسستانسه لوناستهم بس انآ آبي اييب اكثر عن جي اعرف اني بفرحهم اكثر واكثر
وحبيبتي حآولي لا تششردين ولا تغيبيين انتي جييه تضيعين على عمممرج معلومآت
و اي شي انتي ما فاهمته سألي الابله حتى لو جججدآم البنآت شششو يعني مب عييب !! ولو يعني تحسي انه السؤال شوي كبيير وطويل سألييهآ عقب الحصصه بس المهم لآ تخليين ولا معلومه اطيير منج
حبيبتي دآم انه نحن اول اسسبوع ججربي الي بقولج عنه مسكي ورقه وقلم اول ماتردين من المدرسة ارتآحي وكتبي من الساعه كذآ لسآعه كذآ انآ بحل واجب ومن هالساعه لهساعه انا بذآكر جي وحددي لج وقت البريك بيين كل سسآعه بس مآ يتعدى النصص سآعه لانج مآراح ترجعيين للدرآسه
اول اسسبوع بتمليين بس صدقيني مع الايآم بتشوفين مابتقدرين تمشين فيومج الا ع الجدول
وحبيبتي غيري نفسسيتج حاليا حاليآ لا تيأسي انآ ثنويه عاامه والحمممدلله الحممممدلله عندي امل هالفصصليين
وانتي حتى لو تبي تييبي 99 حطيييهآ بسس فبآلج ورآح تيبينهآ
والله يوفقج حبيبتي
آدعي لي
وأتمنى من كل قلبي ربي يوفقكم
والله عندها. نصيحه توجها لي.
تنصحني.
. شكرا. للكل. كنت أتوقع ردود. أكثر بس عادي.
وشكرا للي رفعولي الموضوع
من جد وجد ومن سار على الدرب وصل ..