اخواتي انا من سنة فتحة لي حساب ببنك دبي الاسلامي
ومب ذااكره اني فتح جاري ولا توفيري
فالحين ابغي اسوي توفيري
اممممممممم علشان احط فيه بيزاات
مب عاارفه ترااني ضايعه
قلت بسألهم يمكن يساعدوني بس بغيت اسالكم انتم اول ^^
ولو بغييت افتح ببنك ابوظبي الوطني حساب كيف اجراءات بحيث ابغي يكون توفيري احط فيه بيزاات
والتوفيري يا انه حساب ينتقل من حساب الراتب ويتوفر فيه او انج تسوينه منفصل يعني تحطين فيه روحج
الجاري يعطونج بطاقة + دفتر شيكات
التوفير يعطونج بس بطاقة
وكل حساب له كوود خاص بس انا ما اعرف كود دبي الإسلامي لأن حسابي في الشارجة الإسلامي
وإذا انتي عندج حساب في دبي الإسلامي سواء كان جاري او توفير تقدرين تفتحين حساب إضافي على نفس الرقم الأساسي لحسابج بس يتغير الرقم الأخير لكود الحساب مثلا في الشارجة الإسلامي كود التوفير 040 و الجاري 001
إذا فتحتي توفير إضافي يكون لج كود 041 و الجاري الإضافي 002 اعرف راسج بدور
الخاتمة تقدرين تفتحين الحساب و إذا تبين شهريا توفرين قولي لهم يسون لج خدمة امر مستديم يعني كل شهر في هالتاريخ يتحول مبلغ معين من حسابج لحساب التوفير لين ما انتي تلغين الخدمة
اتمنى اكون افدتج 
زيين انقذتيني انا عندي بس بطاقه
وبرووح اشيك ويا البنك
مشكورات اخواتي ^^
