مشكلتي باختصار
ان أخت زوجي عمرها سبع سنوات
تتعمد تأخذ أشياء من بيتي لما اغفل عنها
بالبداية كان موضوع حلويات فطنشت
بعدين صارت تشيل الدراهم اللي على الطاولة وطنشت
أما الحين اشوفها صارت تفتح الكبتتات والادراج تشيل اكسسواراتي
أحس السالفه مصخت
ما أبي كل مايعجبها شيء ببيتي تشيله
اللي يسرق بيضه بكره بيسرق جمل
ابغي احل الموضوع بدون ما أسوي مشاكل مع بيت عموه ومب عارفه كيف
هل أكلم زوجي ؟؟ مع انه هو اللي مدلعها ،، أخاف يتضايق
ولا أكلم البنت وأقولها عيب ؟؟
ولا كيف اتصرف !!
موفقه ختي
لاحول ولا قوه إلا بالله
مبارك عليكم الشهر الكريم يا بنات ^^
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
ولو ريلج مدلعنها .. بس لازم الواحد يربي اليهال عالصبح
و7 سنين اظن تفهم الصح من الخطأ
المشكله انها تشيل الأغراض بغيابي واقعد أدورها ما الاقيها واشوفها لابستها بعدين
صورتها فيديو مره تفتح الادراج زوجي عادي عنده يقول صغيره طنشيها
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
حاولي انج اتفهمين الصغيرة ان اللي تسوية غلط