عندي اسأله على اللي سوو تنظيف الرحم
1. كم ينزل عليج الدم عقب التنظيف؟
2. متى تنزل الدوره؟
3. متى تجوز العلاقه الزوجيه بعد التنظيف؟
4. شو الفحوصات اللي لازم اسويها بعد التنظيف وشو من فحوصات؟
مشكورين خواتي على المرور والأجوبه
المهم سوولي العملية وبعد العملية بينزل دم ليومين عادي جنه الدورة وبيخف
المهم ماصار جماع 9 شهور لانه ويد تعبت مع القرحة والالتهابات مب من عملية التنظيف
ويت الدورة بعد 6 شهور وعلى حسب جسم كل وحده
والحين بعد بسويها لاني حامل بطفل ميت خارج الرحم الله المستعان تعبت فعلا
مثل الدورة او اكثر بشوي يمكن 10 الى 15 يوم
ماشيء مراجعات بعدين
1. كم ينزل عليج الدم عقب التنظيف؟
دكتورتي كانت روعة بصراحة (جوان في الشارجة) بعد التنظيف تم ينزل على دم خفيف جدا جدا لآن التنظيف اصلا ينظف الرحم من كل شي. الدكتورة قالت لي إن الدم بتم لمدة 4 ايام أو اسبوع بس في حالتي تم الدم الخفيف لين ما يتني الدورة.
2. متى تنزل الدوره؟
بعد التنظيف مباشرة عطتني الدكتورة حبوب مقوية للرحم لمدة 21 يوم عشان رحمي مايتعب في حملي الثاني. بعد ماخلصت الدوا بيومين نزلت الدورة.
3. متى تجوز العلاقه الزوجيه بعد التنظيف؟
الصراحة لأن الدم كان خفيف ويومي قررنا أنا وزوجي ناخذ بريك ورجعت العلاقة الزوجية بعد مايتني الدورة.
4. شو الفحوصات اللي لازم اسويها بعد التنظيف وشو من فحوصات؟
طلبت مني الدكتورة ازورها بعد مايتني الدورة في اليوم الخامس بالضبط عشان تكشف على الرحم. والحمدلله طمنتني إن رحمي كان تمام. بعدها ما احتجت اي فحوصات اضافية.
أتمنى اكون افتدج بتجربتي …