الله يسلمكن بنتي في الصف الثالث ووياها ولد من الصف الأول وهو دوبه من دوبها….يضربها…يمط شعرها…يفرها بجوتيه…يصب عليها عصير…يسبها ويسب ابوها…يحرض الاولاد في الصف عليها..يكتبون لها كلمات مثل فلان يحب فلانه(اسم بنتي) وينخشون من تحت الدرج ويعقون عليها الاوراق.
بنتي والحمدلله متربيه عدل…ومعلماتها يشهدن بأدبها وتفوقها بعكس الولد.
المهم بما اني انا اللي اوصل عيالي المدرسه فأنا متواجده بصفه يوميه في المدرسه واشوف الولد وكم مره مسكته وقلت له لاتضرب بنتي….ابوها سار المدرسه واشتكى عند الاداره ووعدونا ينقلون الولد من الصف
اتصوروا هالشكوى تتكرر كل سنه وادارة المدرسه ماسوت شئ للحين.
قمت انا واتصلت بأم الولد وماحصلت وراها من فايده….ريلي اتصل بأبو الولد ووعده انه ينقله لصف ثاني ورخصنا نضرب الولد(طبعا مالنا خص في الولد…المفروض الابو ولا الام هي اللي تربي ولدها عدل)
اتفاجئت اليوم ان الاهل اتصلوا بادارة المدرسة وطلبوا عدم نقل الولد من الصف لأن الولد تم يصيح ومايبا يسير الصف الثاني….وأنا مستحيل انقل بنتي لصف ثاني لأن البنات كلهم ربعها من الروضه ووياها بالصف.
الحين برأيكم شو الحل؟
نشتكي على المدرسة في التعليم الخاص؟ ولا مايحتاي
شوروا علي جزاكم الله خير.
يعني ما بيلعوز بنتكم
و الصراحة اليهال اللي جيه معظمهم اهلهم ما يعرفون وين الله حاطنهم
شو هالمنكر.. حتى اليهال ظهرلهم راس بعد
خلي المدرسة تهزبه وتغير مكانه كعقاب
او شوفي الحل هذا احتمال كبير ينجح وياه
قولي للمدرسة تخلي الولد مسؤول الصف يسجل اسماء المشاغبين وتعتمد عليه اعتماد كلي وتمدح شغله كمسؤول
والله يهديه
المشاركة الأصلية كتبت بواسطة Pheno-m-enon 
يعني ما بيلعوز بنتكم
و الصراحة اليهال اللي جيه معظمهم اهلهم ما يعرفون وين الله حاطنهم
شو هالمنكر.. حتى اليهال ظهرلهم راس بعد
الظاهر اني بعطي بنتي عصا تخشها في الشنطه واول مايقرب منها تعطيه على راسه.
لا واللي قاهرني المشرفه تقول لبنتي ليش ضربتي الولد!!
وبنتى الصراحه دزته عقب هو مادزاها وطيحها على الحديده مالت الدرج.
المشاركة الأصلية كتبت بواسطة رفيعة الشأن لا واللي قاهرني المشرفه تقول لبنتي ليش ضربتي الولد!!
وبنتى الصراحه دزته عقب هو مادزاها وطيحها على الحديده مالت الدرج.
صدقيني لو انا منج.. بسير بضربه جدام ربعه بعد عسب يتادب
دم اهله ما عرفوا يأدبونه
قوليلها يعني يضرب البنت و اتم صاخة..! صدق مشرفة مخها تنك
حشاا شو فيج ع النقل والعباله واهم جوفي اهله كيف اتصلوا في المدرسه وقالوا لا تنقلون الولد
يوم قاص الكرفتة مال ولد اخوي..ويوم يضارب بنت اخوي يبا ياخذ اكلها
ويوم يسبهم ويسب امهم وابوهم..ويوم ضابرهم ..حفلة مسوي في الباص مطفر الكل والشكاوي عليه بالهبل
ودوم اولياء الامور يتريون الباص ينزل عيالهم ويركبون الباص يهزبونة ..ونحن نفس الشي امي توقف عند الباب وبكل ادب (حبيبي ليش تضاربهم ذولا اخوانكم عيب وحرام)
وهو ولايهمه..ولد اخوي كنا نقوله اسكت عنه ولاتضارب ما نبا مشاكل ..الحين يقول لنا سيرو لااااااااااااااااااه والله اصفعة وخلاص صار ياخذ حقة وحق اخوانه