تجربتي لحف الوجه بالطييييييييييييييييييين تعالوا وشوفوا

السلام عليكم خواتي …. طبعا الكل يعاني من طرق حف الوجه سواء بالخيط "" يذبح """ او الواكس .. الحلاوه ،، حتى الليزر مش دايمن نتايجه مضمونه !!!! المهم مابطول عليكم ،،،

البارحه وانا بالدوام دقت ربيعتي بالصالون وسالتهم عن علاج لتساقط الشعر يمدحونه وااايد وقلت لها تسآل صاحبت الصالون عندهم حد يحف الوجه .. وقالت لها طبعا عندنا بس مش بالخيط ولا بآي طريقه من اللي نعرفها نحن .. قالت بنشيل بالطين !!!!!!!!!!!!

ماعطتنا اي معلوماااات قالت تعالوا وجربوا … ولا راح يحبب الويه ولا يحمر طريقه تلائم كل انواع البشره
حلووووووووو ..

تحمسنا كلنا بالدوام وخذنا موعد وطلبنا منها تفتح الظهر علشان نخلص بسرعه … المهم قلت لربيعتي انت جربي آول وبنشوف النتايج بعدين بنقرر … المسكينه مول ما عارضت ،،،،

وصلنا الصالون وهناك دخلت ربيعتي غرفت الحف وآنا قلت بسوي بدكيير ومنكير لما تخلص والباقي توزع … كان فيني فضول دخلت عليها شفتها مغمضه عينها وحاطه طين على ويها قلت اوف شكلها ربيعتي مكيفه وشوي اطمنت….

المهم خلصت ربيعتي وسارت تسوي علاج لتساقط الشعر وآنا خلصت وقالت لي تعالي انت بعدها وما مداني اسآل ربيعتي والا اشوفها حتى..

دخلت وحليلي وبدت تحط لي خلطه طين بويهي وكنت اراقب راعيت الصالون شو تشل وتحط ،، وخلتني خمس دقايق ورجعت طبعا الطين بدا يجف..

شوي والا اشوفها تجيب الواكس وتحطه فوق الطين وهو حار مسكت ايدها وقلت لها وايد حار شوي شوي بلاج .. قالت سوري وكملت والله حسيت انه جلدي بيطلع بيدها وانا كل شوي اقول لها شوي شوي وهي شغاله على حسيت انه حد يصفعني … حسيت انه روحي بتطلع ..

وبسرعه سرت بذبح ربيعتي والا وحليلها الويه مصفع وحاطين لها قطن قلت شو فيج قالت احترقت

والله لا يراويج شو سوت فيهن مسحت فيهن البلاط ولا نطقت صاحبه الصالون وعرضوا عليها بعض الكريمات تخفف الحرق لكن بعد شو حلفت بتشتكي عليهن .. بس بعد انا غسلت شراع ربيعتي .. قلت يوم انهم حرقوا ويهج ليش ما خبرتيني خليتها تكمل علي ؟؟؟

كانت تجربه قاسيه ومؤلمه .. نصيححه خواتي لا تفكرين تجربين هالطريقه والله اني ندمانه صدق مااحترقت بس للحين احس بويع احس انه يحرقني حد بالماي..

والسمووووووووووووووووحه طولت عليكم خواتي ..

عورتي قلبي…ما تستاهلين يالشيخه…

تسلميين حبيبتي alasi على المرور ..

سلامات الغاليه.. ما اتشوفين شر..

يا الله ها درس عشان مره ثانيه تسألين عدل قبل ما اتجربين اي شي جديد..

هههه سلامات ماتشوفن شر
والله قلبي عورني عليكن
اتخيل اشكالكن

يالله الحمدلله على السلامه

هيه والله بس الواحد يتعلم من غلطاته ،،، تسلمييييييييين حبوبه

الله يسلمج حبيبتي .. ثاني يوم قطعونا بالدوام مايسوى علينا بغينا نتعدل