ربيعتي قصتها وجعت قلبي

السلام عليكم ابغي اقولكم عن ربيعتي عمرها 37 سنه وعندها حالها من الاكتئاب والضيجه هي تشتغل وناجحه بشغلها وما لها علاقات ولا تحب هالسوالف والخرابيط كانت تتريا نصيبها مثل اي بنت اماراتيه المهم انها من مده مب طبيعيه وكلها اتصيح ومهمومه صارحتني انها تعرفت على شاب وافد اصغر عنها بسبع سنين يشتغل محامي وتقول انه واعي وفاهم وطلبها للزواج ويبي يتقدم رسمي لاهلها وخبرها انه ما ما يدور على اللعب ولا التسليه ويبي يتقدم بدون لف ودوران ، تعرفت عليه من ثلاث شهور تقريبا بالصدفه عن طريق الفيس بوك ورمسو بعض وصارو متعلقين ببعض ويحبون بعض تقولي انها لقت اغلب الصفات اللي ادورها في الزوج في هالانسان بس المشكله الوحيده انه وافد وطبعا ا مستحيل اهلها يوافقون وهم بدو ومتشددين وخبرته انه اهلها ما بيوافقون بس هو مصمم يحاول يقنعهم هي منعته ان يتقدم لها ، تقولي تحس حياتها تضيع وسنين عمرها تروح ولا اسست عائله ولا يابت عيال ، ولا عرفت الحب ولا تزوجت ولا حد تقدم لها بالمره وهي اول مره تحب شخص بهالطريقة وتتعلق به ، تقول ادري اني ما بتزوجه ولا اقدر اتزوجه بسبب المجتمع ونظرة اهلي وصديقاتي واللي يعرفونا شو بيقولون عني يعني هي عارفه انه الموضوع مستحيل وغير مقبول في المجتمع .

ما عرفت شو اقولها انصدمت بالبدايه بعدين تفهمت وجهة نظرها بس ما عندي نصيحه اقولها له غير انها تصبر ان شاء الله يعوض عليها بالخير البنت حاولت تقطع علاقتها مع الريال اكثر من مره بس ما قدرت كم يوم وترجع تكلمه .

انا ودي اساعدها بس ما اعرف شو اسوي انا محتاره بقصتها وهي كاسره خاطري ومعورة قلبي عليها لانها طيبه وايد وقلبها ابيض وتحب اتساعد الناس واحس انها عايشه بحيره كبيره .

الله يفرج همها يارب

خليها تقطع علاقتها به
لانه اساسا شو نهاية هالعلاقة؟
زواج؟ مستحيل نحن عارفين عاداتنا كيف وهيه تعرف اكيد اهلها كيف ماضن بيوافقون
فا انه اييي ويخطبها وبعدين الاهل يعرفون انه بينهم علاقه وتستوي فضيحه وهيه عارفه بردهم هذا مب من صالحها
وانها تواصل علاقتها وتتعلق فيه وعارفه مالها امل ويمكن ان استمرت تضعف والشيطان يقودها للحرام وان فات الفوت ماينفع الصوت
وهيه كبيره مب صغيره لو صغيره بيقولون طايشه
بس هيه شو بيكون موقفها؟!
شو بتكون حياتها؟
شو بيكون مصيرها؟
وبعدين كيف بتعيش ويا اهلها بعد الفضيحه والعار؟
وقبل كل هالكلام اللي اقوله
الها رب واللي تسويه حرام
وتحط فبالها الله يمهل ولا يهمل
وعسى الله يثبتها على يدنها ويبعدها عن الحرام

كلامج صحيح انا قلتلها نفس الرمسه الله يصبرها ويهديها ويفكها من هالسالفه

الله يوفقها

قوليلها من ترك شيئا لله عوضه خيرا منه
اذا تركته الله بيعوضها بزوج صالح ان شاء الله

في الدين والشريعة والله ورسوله يقولون
من جائكم من ترضون دينه وخلقه ف زوجوه
بس العادات اللي ماتوكل عيش وï»»تودي ولا تجيب تقول عيب
البنات عمرها يعدي الاربعين والخمسين وتدخل سن اليأس
والاهل يردون ï»» هاذا مو من قبيلتنا ï»» هذا مهوب راهي
ï»» هذا جد خالة ام يدته كان يسكر ï»» بننطر لين مايي هامور
وعقب لما اتيهم البنت مخبصه ف الحرام يقولون ليتنا عرسناها اي واحد بالحلال وافتكينا

صديقتج اذا خايفه من النبزات والنغزات عقب تشل فكرة الزواج
واذا راضيه بكل شي تتزوجه