شوفو شو صارلي وانا اصلي قيام الليل . > محتاجه شوركن <

السلام عليكم ورحمة الله وبركاته..

حبايبي جمعه مباركه علييييييييييييييييييييييييييييييكن اجمعيييين..

فديتكن الكل يعرف مأساتي بخصوص فصلوني من جامعه وانا خريجه..

والحمدالله طرحت موضوع فالمنتدى ونصحوني البنات بقيام الليل وقراية سورة البقره كامله فصلاة..

والحمدالله ربي يسرلي وقمت اليوووم خاصه انه فضل ليلة الجمعه كبيرررر..

نشيت بكل همه ونقزت من شبريه وتوضيت وبديت اصلي ومسكت القرآن فيدي اقرا واقرا

ووصلت يمكن لقريب من نص السورة..

وبديت وقتها احس بصداااااع فظيييع راسي يعورني وحسيت كأني ما اقدر اتنفس وبظيييج..

وكنت ابى بس اخلص السورة بسرررعه لاني ما قدرت استحمل تعبت حسيت بظجر استغفر الله..

مب بيدي غصب عني مادري ليش كل هذا..وكل شوي تيني شكوك بخصوص وضوئي وانه انتقض

وتوضيت تقريبا 3 مرات.. وكنت خايفه وطول الوقت اتخيل اشياء ورايه وحذالي..

مووول ما قدرت لا اركز فالقرايه ولا قدرت اصلي.. وخلصت صلاه ويلست اكمل قراية سورة البقره

لين الحمدالله خلصتها..وقبل اذان الفجر بشوي تعبت طحت مثل القتيله من ألم راسي والظيج فصدري.. حتى استغفر الله اقول فداخلي كيف بقوم اذا حالتي جذه..

ماحسيت بعمري الا وغفلت وشوي قمت من نوم واطالع فالمرايه اشوف بنت لابسه نفس لبسي وشكل وجهها غير اسود وشعرها يخوووف منظرها مريييع وتطالعني وهي ساكته كانت بنفس شكل جسمي لكن وجهها يختلف..

ومن التعب ما حسيت بعمري الا راقده مادري اللي شفته حلم وله خيال وله حقيقه كنت ميته خوف.. ونشيت على قيام صلاة الفجر والحمدالله قمت اصلي وماعرف كيف صليت احس ماعررف..

ورديت رقدت ونشيت عالـ 9.. ربي سامحني اذا انا اخطيت او أسات بشيء لكنك اعلم بحالي واللي جرالي.. خايفه حييييل حيييييييييييييييل..

ومن اول ما نشيت وانا مظايجه مادري ليش ومب متحمله كلمه وما قدرت امسك القران اقرا سورة الكهف

خواتي ليش كل هذا اللي يصيرلي شو فيني؟؟ حد يقولي فيج عين ويوم تقرين سورة البقره يبين هالشي..

هل هالشي صح وله لا؟؟ انزين شو اسوي انا بتم حالتي جذه كل ما اقوم اصلي..؟؟

ساعدوني خواتي تكفوووون ولو بدعاااء.

يعل من تقرا موضوعي وتدخله.. السعاده في الدنيا والآخره والفردوس يارب..

آمين يارب

والله يا أختية ما أعرف بس يمكن عين لأني سمعت نفس الكلام اللي يقرا سورة البقرة وااااايد أوكيه

فخااطري افيدج بس ماا عرف ..

الله يعيينج الغلاا ..

و ان شالله اذا عييييييين تخوووووز عنج ..

الله يصبرج و يسهل لج امووووورج فدييتج

أختيه هاي عين .. خله حد من هلج يدخنج بشب وان شاء الله تستوين بخير

بس اختيه حاولي ما تقطعين صلاة قيام الليل

والله يوفقج

حبوبه سورة البقره واايد زينه وتخوز العين والسحر والمس صدق يمكن انتي محسوده عسب جيه ما قدرتي ،،، بس اجبري نفسج واقريها واذا فيج شي بيخوز ان شا الله والا خلي حد يقرى عليج

الصراحه ماعرف بس اذا تكررت الحاله اكثر عن مره سيري عند مطوع يقرا عليج

الله يعطيج العافيه ويفرج همج ان شالله
ويسعدج دنيا وآخره

اللهم يسر أمرها وفرج كربها وانزل همها واسعدها دنيا ودين