قبرص :)

السلام عليكم

شخباركم يا مسافرات ويا من على وشك السفر ويامن يبن يسافرن بس ما يقدرن

بسألكم منو من قبل سارت قبرص،، أنا الصراحة ضرب في راسي مرة وحدة أسير قبرص،، خصوصا اني حامل وقبل كتبت موضوع اني ادور بلد جريب فقلت قبرص مب وايد بعيدة،، فشو رايكم فيها وكم تبعد مسافتها يعني كم ساعة في الطيارة لين أوصل،، انا خذت شوية معلومات عنها احسها اوكي بس حبيت أستفسر وأسأل اللي مجربات من قبل عشان يفيدوني،، وبعد إذا بغيت بالمرة أزور بلد ثاني قريب منها وين ممكن غير تركيا وسوريا الله يخليكم؟؟

بل

من امس لليوم مافي ولا رد

ماشاءالله عليج حامل وبتسافرين
عالعموم تروحين وتردين بالسلامة ولا تجهدين عمرج في السفر
بالنسبة لقبرص بصراحة أنا نزلت فيها ترانزيت وما طلعت من المطار
اللي شفته ووالطيارة تهبط انها وايد حلوه وفيها طبيعة رائعة
وماقدر افيدج بأي شي داخل قبرص

بخصوص الدول المجاورة لها عندج سوريا لبنان تركيا
وأنصحج تسيرين مكان واحد بس لأنج حامل

اسمحيلي ماقدرت أفيدج وايد وان شاءالله اللي سارن قبرص ما بيقصرن معاج
تحملي على عمرج في السفر

مشكورة وايد عالرد عزيزتي وعالنصيحة،،
والله بسافر لأني ولا مرة سافرت ويا ريلي لا شهر عسل ولا شهر بصل، وهالسنة على أساس نسير استراليا بس سالفة الحمل غيرت راينا لأن المسافة طويلة وما بروم،، والسنة الياية بيكون عندي زعطوط ما بيخليني أتهنا والله أعلم السنة اللي عقبها كيف بتكون الأوضاع فقلت أستغل الفررصة بما إني طلعت من الثالث والله يسر ان شالله،، ومشكورة وايد عالرد

العفو عزيزتي
ونسيت أخبرج اذا تبين تقارير مصورة عن قبرص ومعلومات عنها زوري منتدى العرب المسافرون وايد بيفيدج