بنات أنا عندي موضوع يمكن مر فالمنتدى واااايد.. بس أنا حابه يكون الموضوع
خاص فيني والقى جواب وأحب استشيركم من ورا الشاشه لا تعرفوني ولا أعرفكم،،
بس أنا أرجوووكم أرجووكم اللي ماعندها جواااب يريحني لا ترد .. أو تكتبلي دعوة حلوة
صدقوني احتاااج هذا الشي وااايد،،
أنا لما كان عمري بين 16 و17 كنا نروح ليوا ونلعب بالدراجات.. في مكان كان مثل الرالي فوق تحت ورا بعض.. وكنت العب بالدراجه بس ماكانت على رملة
كان مكان يابس.. وكنت مسرعه ويدق فيني بالقووو ..
المهم ورحت الحمام واكتشفت في قطرات دم نزلت ماعرفت السبب قلت يمكن العادة بس مانزلت!
بصراااحه وأيد خفت.. لأن عقب اكتشفت أن هالاشياء تسبب في تمزق غشاء البكارة
والله يا بنات ماااحب أفكر في هالموضوع وأضايق واااايد.. تخيلوا عرسي في شهر 1 ومش عارفه شو اسوي..
يعني ليلة الدخله مابيطلع دم؟؟؟؟
تخيلوا شو بيصير أنا أدري أن في ناس ماينزل عندهم بس هذا من ربي ..
بس أنا غير والله ماتعرفون كيف أنا خايفه وماقدر اصارح أختي أو أقولها
بسير عند دكتورة،.. شو أقولها ؤين أودي ويهي..
صعب هذا الشي ؤاايد.. بس قولولي شو اسوي كيف أعرف أن ماصار شيء ؟؟؟
اللي ماتقدر ترد عليه عالعام أنا أتريا عالخاص..
(( رجيتكم لا تفرون رمسه وإلا تقولون أنا حد من الشباب وهالسوالف من التجريح))
بإذن الله مابيكون صار هالشي
لانه الغشاء ماينفض بسهولة ، وغير جيه انه لو صار لج سنين ع هالسالفه بيكون رد الغشاء نفس ماكان طبيعي
لا تحاتين ولا تتوترين وكلي امرج لربج
ما يهدأ بالي من التفكير ياااأرب..
مشكورة عالرد فديتج 
مافيج الا الخير
صدقيني مافيج الا الخير
مبروك مقدما