المقادير :
1- نص كيلو للحمه مفرومه
2- تلات بصلات متوسطين مبشورين
3- كيس كنور مرقة الدجاج الفوريه ( بودره ) مش مكعبات ( دي أهم ما في المقادير )
4 – فلفل أسود
5- شطه على حسب الرغبه
6 -زيت للقلي
الطريقه :
نحط البصل في طبق عميق ونضع فوقه اللحمه المفرومه ونحط عليه كل البهارات اللي ذكرتها سابقا ونقلبها بإدينا كويس جدااااا علشان تمسك في بعضها وتعمليها على أي شكل أنتي عايزاه أنا أوقات بعملها على شكل دائره والأغلب بعملها على شكل بيضاويه كنت بعملها بيضاويه علشان أحطها في الصمون علشان الأولاد يخدوها معاهم المدرسه على طول وبعد كده حبوها جنب الأكل أكتر بالشكل ده عن اللي شكلها دائره ونكون مسخنين الزيت في طاسه تيفال علشان ما تمسكش ونحمرها من الجانبين ونطلعها من الزيت بعد التحمير يفضل عدم تصفيتها من الزيت ( لأن الزيت بيكون واخد الطعم فبيديها طعم وشكل كويس لو طلعناها على طول من غير تصفيه على طبق التقديم ) وبالهنا والشفا