شخباركم جميعاً ؟
مبروك عليكم الشهر و تقبل الله طاعاتكم ..
ما بطول عليكم بس ما عليكم أمر حبيت من طباخاتنا الماهرات – ماشاء الله عليهم – يفيدوني بوصفة باستا دجاج
ع الطريقة الإيطالية الأصيلة أو بطريقتهم الخاصة بس المهم تكون لذيذة و خفيفة ع المعدة
و لو تعرفون رابط من منتدانا لحد كاتب هالوصفة من قبل يا ريت تنسخونه لي هني ما عليكم أمر لأن خاطري أفطر عليه في يوم ما خلال شهر رمضان
و يزاكم الله خير ..
المقادير..زبدة، بصل مبشور ثوم مبشور (للقلي) فلفل اخظر بارد (ممكن تستخدمين الاخظر والاصفر والاحمر) ذرة مالت القواطي، مشروم مقطع صغار او شرايح، جزر مبشور، معكرونه اي نوع انتي تبينه، دجاجه مفوره وناظجة، كريمة الطبخ، مكعبين ماجي، جبن موزاريلا.
اول شي اسلقي الدجاجة ويوم تنظج قطعيها مكعبات صغار وخليها على طرف. اسلقي المعكرونه وجهزيها وخليها على طرف.
الحين الخلطة: هاتي جدر وحطي فيه زبدة للقلي وحطي البصل المبشور والثوم المبشور (كل ما كثرتي ثوم طلع الطعم احلى..انا بشرت راسين ثوم كاملين، مش فصين، لا راسين) من يستوي لونهم ذهبي شوي حطي مكعبين ماجي ونزل الدياي. واخلطي لين ما الدياي ياخذ النكهه.عقب نزلي الخظار المقطعة (الجزر والمشروم المقطع صغار والذرة والفلفل البارد المقطع..واخلطي..وحطي ملح وفلفل اسود. واخلطي.
نزلي المعكرونه واخلطي كل شي مع بعض.
عقب صبي الكريمة والجبن واخلطي كل شي مع بعض..وتقدرين تحطين شوي فلفل احمر حار الشرايح flakesللطعم يطلع روعة..اخلطي عقب بندي الضو.
وخليها فالجدر لين قبل التقديم بشوي صخنيها وصبي شوي كريمة واخلطي كل شي مع بعض وقدمي. (هالحركة لانها اكيد بتتشرب كل الكريمة وعشان ما تكون ناشفة وقت التقديم)
وبالعافية عليكم.
المشاركة الأصلية كتبت بواسطة غزالة AD 
المقادير..زبدة، بصل مبشور ثوم مبشور (للقلي) فلفل اخظر بارد (ممكن تستخدمين الاخظر والاصفر والاحمر) ذرة مالت القواطي، مشروم مقطع صغار او شرايح، جزر مبشور، معكرونه اي نوع انتي تبينه، دجاجه مفوره وناظجة، كريمة الطبخ، مكعبين ماجي، جبن موزاريلا.
اول شي اسلقي الدجاجة ويوم تنظج قطعيها مكعبات صغار وخليها على طرف. اسلقي المعكرونه وجهزيها وخليها على طرف.
الحين الخلطة: هاتي جدر وحطي فيه زبدة للقلي وحطي البصل المبشور والثوم المبشور (كل ما كثرتي ثوم طلع الطعم احلى..انا بشرت راسين ثوم كاملين، مش فصين، لا راسين) من يستوي لونهم ذهبي شوي حطي مكعبين ماجي ونزل الدياي. واخلطي لين ما الدياي ياخذ النكهه.عقب نزلي الخظار المقطعة (الجزر والمشروم المقطع صغار والذرة والفلفل البارد المقطع..واخلطي..وحطي ملح وفلفل اسود. واخلطي.
نزلي المعكرونه واخلطي كل شي مع بعض.
عقب صبي الكريمة والجبن واخلطي كل شي مع بعض..وتقدرين تحطين شوي فلفل احمر حار الشرايح flakesللطعم يطلع روعة..اخلطي عقب بندي الضو.
وخليها فالجدر لين قبل التقديم بشوي صخنيها وصبي شوي كريمة واخلطي كل شي مع بعض وقدمي. (هالحركة لانها اكيد بتتشرب كل الكريمة وعشان ما تكون ناشفة وقت التقديم)
وبالعافية عليكم.
يممممي شكلها لذييييذة يبالي اجربها ..
بالعافية
حبيبتي غزالة أبوظبي
مقاديرها:
مكرونة اي نوع تحبينه كبير او صغير
فص ثوم
حبة بصل مفروم
دياي مقطع مكعبات
ممكن اضافة مشروم اذا تحبينه
كريمة خفق خاصة بالأكلات المالحة
عصير طماط او ملعقة صغيرة صلصة طماط
جبن اي نوع تحبينه بس لا تحطين جبن كرافت مثلا بروحه عسب لا يطلع الصوص ثقيل
فيه ناس يحطون وياها خضار نفس فلفل ملون وبروكلي بس هذا انا احذفه لانه يخرب طعم الصوص بالنسبة لي
الطريقة:
تجهزين المكرونة وتخلينها ع صوب
وتبدين تجهزين الصوص:
تقلين البصل شوي مع الثوم بشوية زيت وعقب تضيفين الدياي والمشروم لين يستوي وعقب تضيفين باقي المكونات بالتدريج:
فلفل اسود وملح حسب الرغبة, نضيف صوص الطماط او عصير الطماط ونخليه شوي وعقب نحط الكريمة بمقدار مناسب
وآخر شي نضيف شوية جبن ويوم نخلص نضيف الباستا ونرد نحط فوقها جبن.
تفنني فيها وبتطلع احلى من باستا المطاعم وبالعافية عليج.
<<< اشتهيتها وانا اكتب ههههههههه
ملاحظة صغيرة بقولها يمكن البعض يعرفها ويمكن ما تعرفونها:
فيه ناس تستخدم زيت الزيتون بكثرة, صح هو وايد مفيد وصحي بس تحذروا تستخدمونه فالقلي بشكل مستمر
والسبب انه يحترق بسرعه ويتحول لزيت ضار, وبإمكانج استخدامه في الأكل البارد احسن شي, واستخدمي بداله
زيت نباتي لأنه ما يضر مثل ما يقولون, واللي يضر هو الزيت الحيواني فقط.
