أفكار حلوة حق البنات المالجات!!

السلام عليكم ورحمة الله وبركاته

اشحالكم بنات اكيد كلنا مرينا بفترة الملجة

وانا حاليا امر بها الفترة و في افكار ما اقدر اطبقها الا بعد العرس

فحبيت اخ> من خبراتكم شو اقدر اسويه في فترة الملجة مثلا حق يوم الحب

مثلا حبيت اسوي لها مفاجأة بغيت افكار

خاصة انه هاليومين مريض شوي وحالته النفسية تعبانة

ابغا اغير له جو

بغيت مساعدتكم بنات

بنات معقولة ولا وحدة عندها افكار

ماشالله المنتدى مليان حريم معرسات

يعني افكار لهديه ولا يوم اي يزورج ؟!؟!؟!

حبوبة.. انا مثلج مالجه وقريب بعرس ان شاااء الله.. وانا فكرت في يوم الحب انه اعزمه على مطعم رومنسي وراااقي والبس له لبس حلو واتعدل واتكشخ له.. والهدية طبعا بسوي له شي مبتكر ومميز بس بعدني ماعرف شو بالضبط.. بس بخليه في صندوق وكله باللون الاحمر والابيض والزهري.. واشيااء حلوة ..

ان شاااء الله تستفيدين

سويلها شوربه ولو تقدرين سيري عنده او طرشي حد يعطيها له
ويا شوربه سوي عصير ليمون بنعناع يهدي اعصابه
وياه كرت حل كاتبه فيها ماجور حبيبي ولكل وكل هذا ابتلاء عشان تحصل اجر
ان شاء الله يوم نعرس انا بداري عليك وبكون 24 ساعه يمك واوديك عياده ومن هالكلام وزيدي انتي من عندج
واشتريله هديه صغيره مغلفه وياها تتكون من عطر شي يكون في سيارته مثل سلسله فيها صورته او دبله فيها حرفج وحرفه او ميداليه لسياره وبوك يديد حطي فيها كرت اكتبي ليتني انا البوك وكون دوم عندك,,, ساعه,,,, شي لسيارته,,, مجله يحبها او سيديات برامج او افلام يحبها ,,,, دبدوب كيوت وياهم
مره قلت لاربيعتي مالجه حركه
عصبت علي اونه شو هذي قويه انج تشترين لانجري وتلفينه بشريطه دانتيل وتقولين متى بيي هاليوم والبسها عشانك

هذا اللي في بالي حالي

وردي قولي رايج وان جربيتها خبرينا شو صار

مشكورات خواتي

مب عارفة الصراحة يالسة افكر وااايد همممممم

ابغا شي يستانس منه خاصة انه هو بعيد عني انا في امارة وهو في امارة ثانية

يعني ما اشوفه الا في الويكند ابغا شي مبتكر يستانس عليه

يعني على يوم ميلاده مثلا انا كنت مسافرة بس وصيت محل ورود يطرشون له ورد للدوام

واااايد استانس وااايد واايد

ابغا اسوي شي يستانس عليه شرات ما استانس على مفاجاة الورود فاهمين قصدي بنات