يعطيكم العافية بغيت اسالكم شو الاحسن اخد خدامة بخبرة او بدون خبرة وشو هي افضل جنسية
بالاول قدمت على خدامة اندونيسية عندها خبرة 6 سنين بالسعودية وعمرها 38
ويوم وصلت اكتشفت انها كبيرة بالعمر 50 وخبرتني انها ماشتغلت غير سنتين بس وهدا غير انها اكتشفنا في وقت الفحص الطبي انها عندها ورم ليفي ونقص حاد بالدم والكلى تعبانة
وبعدها رجعتها للمكتب وقدمت وحدة يديدة هم بعد اندونيسية عندها خبرة 4 سنوات بالسعودية وقعدت عندي 10 ايام ورجعتها المكتب لسانها طويل وماتبي حد يقلها شيء تبي تسوي كل شيء على مزاجها والمشكلة انها تحط عقلها بعقل ياهل 3 سنين ماادري المشكلة من المكتب و الخدامات اللي عندهم
الحين محتارة اخد وحده بدون خبرة او الافضل بخبرة و شو افضل جنسية اخدها
نصيحتي خذي وحده عندها خبرة عسب ما تعذبج و افضل شي بالسعودية ، تطلع عندها خبرة بكل شي تقريبا
و لو تبينها تدير بالها ع الياهال خذيها شوي صغيرة يعني ما تتعدى الـ 34 عشان تكون حركتها سريعة
اتصلي فيها قبل لا تيبينها ، وضحي لها كل شي و استفسري منها عن كل شي
و بعدين قبل لا تبتدين تسويلها الفيزا استخيري الله
الله يوفقج الغالية،،،
انا الخادمة الاولى والثانية كان مكتوب انهم خبره بالسعودية والثانية صغيره عمرها 36 وماكان لها خلق للياهل انا ماعتمد في الخدامات على ولدي بس مرات يوم ولدي يرمي شيء على الارض تبدا تذمر وتنزعج بشكل واضح وتحط عقلها بعقلة وكل شوي تناديني تعالي شوفي شو سوا ومثل ماقلت انها لسانها طويل وخدتها خبرة مثل ماهو مكتوب 6 سنوات بالسعودية
والثانية قصو علي بعمرها كاتبه 36 وهي 48 سنة والمشكلة كل مارجعنا وحدة يخصمون علينا 1000 درهم بحجة انها تدكرة سفر لها
والمكتب مايعطينا رقم تلفوناتهم عشان اتواصل معهم
وايد اخاف من البنغاليات و ما احبهم صراحة لكن توكلت على الله و جبتها و طلعت زينة اضحك معاها واسولف لها و اخليها ترتاح نفسيا و عقب اعلمهاشوي شوي و تجي تمشي الامور
