خواتي اللي عدها فكرة عن افضل مكان للسكن في بوسطن ايكون قريب من مستشفى الاطفال من ناحية النظافة والامن ياليت اتفيدني
وشو الاشياء اللي اخذها وياي اتكون ضرورية وما بحصلها هناك لاني باخذ عيالي الصغار وبكون شاكرة لكم
انا اربيعتي كانت اتسير اتعالج بنتها في بوسطن بس ما ادري اذا نفس المستشفى اللي بتسيرين لها والا غير وكانت تسكن في الماريوت كانت اتقول عندهم نفس الشقق الفندقية وكانت وايد مرتاحه فيها واتوقع هي اشوي غاليه بس لانها كانت اتقول انه تخلي عيالها الباقيين فالفندق ويا الخدامه واتسير المواعيد من جيه مأمنه عالفندق اكثر ،، حاولي تاخذين في المجمعات لانه يكون عليها سكيورتي وانظف يكون ،،
وبالنسبة شو الاغراض امريكا فيها كل شي وبتلقين المنتجات العربية في البقالات العربيه بس يمكن اتسرين لمسافات وجيه ،، عني انا ولدي شليت الحليب اللي يشربه لطول الفترة اللي كنت بيلس هناك مع انه عندهم سميلاك بس كان طعمه غير عن اللي عنا ،، عندج الجبن السائل بوك او غيره ها ما عندهم وتلقينه فالبقالات العربية وغالي لو عادي تاكلون جبن الانواع الثانيه ما بتتوهقون ،، والبهارات طبعا شيليها وياج ،، والخبز اللبناني بعد تلقينه فالبقالات العربية حنا كنا احيانا نستبدله بخبز التراتيلا الخفيف او الروتي او السلايس من جمعياتهم بس هاي اربيعتي كانت اتقول انه ريلها يسير يوم هيه ويوم لا للبقاله العربيه لانها بعيده كانت عن منطقتهم وريلها ما ياكل الا الخبز اللبناني وطبعا مب طازج بس يمشي الحال ،، بس الصراحه ها الاشياء اللي كنت عن نفسي ما اروم القاها هناك اما كل شي بتلقينه حتى لو بطعم مختلف اشوي ،، هيه صح كنت اتوهق مع حليب النيدو او البورده بشكل عام ما يبيعونه فجمعياتهم لاني كنت احب اسوي البشاميل واتوهق بس شريناه من البقاله العربية وطبعا كان غالي وايد ،،
اتمنى اني افدتج الغاليه واتروحين واتردين بالسلامه والله يشافي مريضكم ،،
الله ايسلمج من الشر وايعافي جميع المسلمين ان شاء الله