اسهل شيز كيك بالبلو بري

شخباركم كلكم
ها الشيز كيك اخذت طريقته من برنامج اجنبي
والصراحه طريقته اسهل عن اي طريقه سويتها قبل

وبسم الله نبدأ

المقادير
بسكوت دايجيستيف
3 ملاعق زبده مذوبه
علبتين من جبنة فيلادلفيا
3 بيضات
ملعقة فانيلا
3 ملاعق ونص سكر
علبه بلوبري فريش
سكر بودره للوجه

الطريقه
نطحن البسكوت ونخلطه ويا الزبده

نجهز صينية الفرن اللي تنفتح ونمسح اطرافها بشويه زيت

نحط البسكوت في قاع الصينيه ونضغط عليه بالملعقه لين يستوي السطح وعقب نحط الصينيه في الثلاجه

في الخلاط نخلط الجبن ويا السكر والفانيلا والبيض

نطلع الصينيه من الثلاجه ونوزع على البسكوت البلو بري

وناخذ الخليط ونصبه على البلو بري

بتلاحظوون ان بعض حبات البلوبري بتطلع على السطح

نحط الصينيه في الفرن لمده 45 دقيقه لين يجمد الخليط (حراره الفرن 180)

نطلع الصينيه ونخليها تبرد شوي وبعدين نحطها في الثلاجه