الحقوني والله بصلع

السلام عليكم ورحمة الله وبركاته..

اخواتي … انا مربية من خمس شهور.. ومن دخل ولديه الشهر الرابع بدا شعري يتساقط….. عطوني حل لمنع تساقط الشعر….لا تقولولي دهان.. انا من النوع المتكاسل ما حط دهان… دلوني على ادويه سريعه المفعول….

وتسلمون…
تحياتي…..
يكــــــــــــــــ الإمارات ـــــــــة
أم عبدالله

لا اتحطين دهان ولا شي لا اتفكرين في الموضوع اصلا لانه النفسيه تلعب دور مهم كلنا مرينا بهالتجربه والشعر اللي يطيح يطلع مكانه شعر واهم شي خذي فيتامينات ووجيكي نسبة دمج كم لانه لو فيج فقر الدم بيطيح شعرج واللي يرفع الدم شوربة العدس والجرجيروالكبد والجوافه ممممم وايد اشياء وبعدين اذا شعرج دهني لا اتحطين له زيت عن تجربه سرت عند اخصائي شعر وقال لي هالكلام وصدقه انا يوم احط الزيت شعري يطيح بزيادة…… يفرق من وحده لوحده …… لا اتحاتين

عيل انا ماحملت ولا ربيت وشعري جييه مادري شو السالفة!! مع ان أكلي زين
ومن عرست قام يطيح أكثر مع اني قبل العرس كنت أهتم فيه وايد بزيوت وخلطات ولا نفع شي
زولية غرفتنا بيج ولازم كل يوم حملة تنظيف وأطلع كرات شعر من الارض >.< مفتشلة من ريلي خخخ

لو حصلتي حل خبريني

انا بعد صلعت بس هذي مب اول مره لان في ولادتي الاولى نفس الشي بس رد طلعلي مره ثانيه وهذا اللي مخلني اتطمن هالمره… اتطمني اختي بيطلع بروحه ماخليت فيتامين ماخذته ماشي فايده لين روحه ياخذ حقه..

يقولون يوم الياهل يعرف امه بالنظر خلاص يبدا شعرها يطيح لان قبل صح يعرفها بس بالشم<<<< كلام عيايزنا

حبيبتي لو اترضعين عادي نقص كالسيوم لان البيبي ياخذ عنج الكالسيوم
انا كنت نفس الشئ في ولادتي الاولي ولاكن الحين عملت حسابي من يوم ربيت خبرت الدكتورة واعطتني folicron هو فيتامين علي حديد إنشاء الله ينفعك وكثري من الحليب والاجبان

يزاكم الله الف خير على الردود الطيبة …. انا اخذ فيتامينات بس بعدني ما شفت مفعولهن… مادري متى بشوف المفعول يمكن يوم بقرع…..؟؟؟؟
انا كنت آخذ حبوب الحديد بس يوم كنت حامل وودرتهن عقب ما ربيت….
الله يعيينا بس….
مشكورين خواتي في الله