الخدامة تعالوا شوفوا شو ردت علي .

هلا خوااااتي…
بغيتكم تسااعدوني في حل مشكلتي .. الله يسلمكم انا عندي خدامة تشتغل عندي وعند قوم عمتي.. المهم هاي الخدامة مسيحية وشاكتنها مرتين مع ولدهم طبعا فهمتو قصدي وكل مرة اشوفهم أخبر ريلي ونهددها بالسجن ولا عالبال اللي في بالها بتسويه.. طبعا اخر مرة شكيتهم انقلبت تمت تصيح ونكرت انها ما سوت شي وقالت جدام الكل أقوللهم شو كنتي تقولين عن ماما قصدها عمتي تبلت علي طبعا لعنة الله عليها قوات عين … انا والله من النوع اللي اتحسس واااايد واااايد طيبة عن اللزوم وشخصيتي وااااايد ضعيفة ما أحب اتضارب مع حد …ريلي مسافر ما يعرف شو استوى في البيت وكم مرة قبل مهددنها .. وكل مرة تقول ما بعيدها.. الحين شو اسوي أخبر ريلي عن هاي السالفة.. هم قالولي لا تخبريه …أنا وااااايد مقهورة منها ابغي اضربها اصفعها…. سااااعدوني….[/COLOR]

حبيبتي انتوا ليش سكتوا عنها فالبدايه من شفتوها مع ولدهم

اكيييد بتستقوى الحين بتقول هم مايرومون يستغنون عني واكيييد بطول اللسانها

خبري ريلج ولو تسفرونها بعد احسن لج وعن المشآكل ال بتييج منها

المشكلة عمتي وااايد معتمدة في اشياء تسويلها ….
مع العلم انهم عندهم خدامة غيرها…

انا خاطري اسفرها راعية مشااكل وخراب بيت هاي انا ما اقدر اتصرف الحين وما حد ريلي…الحين انا ابغي اشد عليها اقسي عليها …شو اسوي

…………..

صح كلامج كان المفروظ هاي من زمان تنجات وتتسفر

ماله داعي تصفعينها او تسبينها !!!! وليش كل هذا !!

بكل بساطه يوم يرجع ريلج بالسلامه كلميه بهدوء عشان يسفرها !!!!

انتي شكلج عصبيه ونرفوزه وهذا غلط مع الخدم!!

خلج حازمه بس في نفس الوقت هادئه وبدون صريخ ومشاكل …..

اخت شما *** سامحني ختنك **لورا

اسعدني مروركم ….