خواتي زواجي مر عليه 7 سنوات وكم مره شرحت لزوجي وضعه معاي بس ماشي فايده
زوجي بختصار ما أعرف حتى شو اقول عنه مهمل أو ….. والله يخوني التعبير انتو احكمو وعطوني الوصف الصحيح:
أولا من الخطوبة ليومكم هذا ما فاجئني ولا بورده و لاحتى يعرف يوم زواجنا و لا عيد ميلادي و لاحتى عيد ميلاده، والي يتعب نفسيتي خواتي و معاملة ريايلهم ،، كل وحده ماشاء الله و اللهم لاحسد ريلها يهاديها حتى ايام ولادتهم اخر وحده المولود السابع يليب لها عقد من دامس ب11.000 وحتى ل أمي .. وحتى يوم أقوله يقول انه ذاك عنده خير و ان هو ما عنده ممكن كلامه صح بس نفس الوقت أو هذي حجته وحتى هم يوم يسافرو خواتي احسه يسوي عمره مايسمع
من الاخر انا راضية بنصيبي و احسه يحبني و احبه بس احسه مهمل حتى يوم نشتري اغراض البيت مايروح معاي ولامراجعات و لا شي بس انقهر كل الي حولي و يا ريايلهم و عيالهم بعد هو مايستحمل اعياله بصراحه ما اعرف احل هالمشكلة حتى بديت اهمله من كل النواحي لأن ما احس انه عندي ريل يطالعني و يغار علي و يخاف علي بس احس يوم يبا ذاك الشي…… انتو فاهمين شو اقصد بس ممل والله حاسه بقهر و ملل من هالعيشه كل انا اروح بيت اهلي بروحي و كل شي حتى مراجعات عيالي انا بروح بس هو يوم نروح معاه دبي و الشارجه بس والله العظيم مليت من هالشي
يعني كل وحده تتخيل نفسها عندها نفس هالريل شو عيشتها لاتقولو لي حاولي تغيريه و سويله و سويله احس هذا طبعه وحتى يوعدني بأشياء و مايسويها بصراحه عطوني حل
انتي ابدي بها الخطوة و بعدين بيتغير ترى بتتعبين ف البداية بس صدقيني بيروح و بينجبر
خليه يسوي دوره كريال بس مب بالاجبار ولا انج تعطينه كاش و تتضاربين معاه بالتعود بيتغير
2- بالنسبة للهدايا يا ختي لا تخلين ف خاطرج عطيها كاش و قولي كاش
ابغي هدية ابغي هدية
عادي انا مرات اقولها 
حتى الحين بربي جريب كل اسبوع اقوله اتريى هديتي
و اقوله كل حد يسألني ريلج شو بييب لج هدية اقولهم طقم ذهب
و اسولف يدامه طبعا
هو يقول لا انا مفلس و جي
يقول لي ما عندي
اقوله ع كيفك
ما تدخل بدون هدية شو بيقولون اهلي بيضحكون علي
اصلا الموضوع بكبره خرط بس انا ابغيه اييب لي هدية
و اقوله اصلا هاي عادة الريال اييب لهدية و اي حرمة بتزورني بتسأل وين هدية ريلج ؟
جوفي الخرط كيف و نفع وياه و اشترى هدية
لا تخلين شي ف قلبج
يعني عطيه ها الكلام الحلوو مع البهارات و الخرط و امدحيه يدام اهله و اهلج و قولي له انج مدحتيه بشكل غير مباشر
3- بالنسبة لمراجعاتج ما ادري شو قصدج هل مراجعاتج الخاصة او اليهال او انتي حامل و تراجعين ؟
يا ختي لو مريضة و فيج حمى مثلي شوي ولا يبغي لج كورس يعني قولي ما اقدر اسوق تعبانة ما ادري شووووووووووووووووووووو و بيوصلج و بيخاف عليج
انا مرات جي اسوي خخخخخخخخ
اصبري و تكتكي امورج
و بهارات و خرط و مكر بتمشي امورج
بتكونين سيده و كله تصارحينه بيزعل منج
والله ما يبغي له شي تقدرين تغيرينه بس انتي غيري نفسج اول شي و اسلوبج
بس انج تجادلينه و تتضاربين وياه مستحيل تحصلين اللي تبغينه
انج تقارنى ريلج بالثانين لا تقارنى صدقينى ريلج فيه حسنات واايد
بس انتى معا المقارمه الشيطان ما راح يخليج تشوفى شى
قولى الحمدلله انه يعطيج الثقه وسامح لج تدخلين وتطلعين
براحتج فيه رياييل شكاكين والعياذ بالله يخليج تكرهى
حياتج ..
اما موضوع الهدايا والرومانسيه الحال من بعضه بس بين فترة
والثانيه اعطيه هدايا واذا في خاطرى هديه اقول له ابا هالشى
هديه
صدقينى دام انتى تحبيه وهو يحبج ويحترمج هذا الاهم
والله يحفظه لج ويجمع بينكم على طاعته
والمراجعات يوم كنت حامل ماقط دش وياي عند الدكتوره وكنت احاول معاه بس مافاد للاسف
بس الحمد لله عكل حال حتى المولات اذا ابي اتسوق اروح بروحي ولا مع خواتي ومرات اقول يلا خير ان شاء الله ^^"
الست لازم تستعمل الحيل و المكر مع الزوج و تعوده على طبعه زي ما بتربي ابنها الصغير
و ان شاء الله كل امورك تتيسر و تتسهل