السعادة ما هي برأيك

السلام عليكم ورحمه الله وبركاته…يا اخواتي الاعزاء كيف حالكم اتمنى ان تكونون بخير وصحه وسلامة حبيت انه نتناقش بهذا الموضوع لكي نعرف كل وحده منا وجهة نظرها من ناحيه السعادة هل السعادة تقدر بثمن وله كيف ؟اني من رأي انه السعاده ابدا لا تقدر بثمن وله رأيكم غير

صبآحج سكر يا اموره

والله حبيبتي السعاده ما تعني شي واحد بالنسبه لي يعني انها توجد يوم يكون كل شي بخاطري عندي

واهم شي يسعدني هو صحة اولادي و رضى ماما علي << هني السعاده بالنسبه لي

وهالاشياء ما تسوى اي ثمن و اكثر الاشياء اللي تسعد مالها اي علاقه بالماديات ترى مره كلمه حلوه من انسان غالي تسوى الدنيا و مافيها و تخليج في سعاده لمده ايام

طبعا اهم شيء السعادة لافلوس ولاسفر يغني عن الراحة النفسية انا الله منعم علي بزوج غني ومنصب لكن عايشة مع اهله مطلعين عيوني وهو عنيد بس شنقول غير صبرا جميل والله المستعان

الراحة النفسية هي السعادة

يوم تعرفين عمرج قريبة من ربج… هذي هي السعادة

يوم تحسين اللي حوالينج كلهم يحبونج

هذي هي السعادة

يوم تحسين إنه ريلج يسوي المستحيل عشان يقضي كل ثانية معاج.. هذي هي السعادة

يوم تشوفين عيالج يركضون ويلعبون جدامج بأتم صحتهم.. هذي هي السعادة

يوم تشوفين أهلج يحققون إنجازات في حياتهم… هذي هي السعادة

يعني ماشي مقياس معين للسعادة

وأعتبر نفسي سعيدة ولله الحمدلله

والسعادة اتي من القناعة

لو انتي مقتنعة بأنج عايشة حياة سعيدة.. ذاك الوقت صدق بتكونين سعيدة

بس إذا تميتي تشوفين اللي حوالينج وتقارنين نفسج.. عمرج ما بتسعدين

عمري ما عرفت طعم السعاده في حياتي الا ولله الحمد بالقرب من الله سبحانه وتعالى والتلذذ بالعباده صدقوني خواتي الكريمات كنت عايشه بحريه محترمه طبعا اسير واسافر وعايشه حياتي بس ما احس بطعم السعاده مثل يوم انا قريبه من رب الكون واهب النعم والسعاده حتى اذا مريت في مشكله ما احس انها اتاثر فيني وايد واتمربسرعه وافوتها مع اني وايد حساسه واكثر شي احمدالله عليه ليل ونهار اللهم لك الحمد اني ما اسجد سجده واطلب رب العباد الا استجاب لي دعوتي ولله الحمد اتمنى ان رب العالمين ايثبتنا جميعا ويكرمنا بالسعاده

للرفع