:1 (26):
اليوم يا خواتي عندي مشكله وحبيت كل اللي يدخلها احلفه واامنه انه يقول رايه في هذه المشكله
بنت خالتيه كانت متزوجه وتطلقت لانه كان زوجها ما عنه مسؤليه باي شي وغير جي ما كان متفاهم معاها
انا حبيت اساعدها عشان تظهر من حالت الحزن اللي عايشتها بس صدق ما اعرف كيف اساعدها
صراحه البنت كانت تظحك وتمزح بس بعد ما تطلقت ما نعرف دومها ساكته ما تريد تظهر خايفه من الناس يسئلونها لانه فترت زواجها قصيره
تخيلوه انا شهرين احاول اقنعها انه الله بيرزقها باحسن منها بس ما ادري
اقولها انتي تحسين عمرج تطلقتي وانتي تريدينه
تقول لا اللي اصريت على الطلاق وتحمد الله
بس ما اعرف
في سؤال يدور في راسي من اول ماشفت حالتها
معقول الولد يتاثر بطلاق نفس البنت ؟
انا صراحه ما اظني لانه عادي عنده الولد لو طلق ما ياثر في
شو رايكم ؟
خليها تشغل نفسها بس شي مثل معهد تدرس في او تورات كبيوتر وهيي بتتعود على هذا الشي لما تشغل نفسها بدراسه او باي شي ثاني
انشالله الله بيرزقها
اما عن سوالج
اكيد الولد يتاثر بس مب كثر البنت
والله يهدي الجميع
يعني هل صبرت عليه على أمل انه يتغير ولا لأ
اذا فيه أمل يتغير ليش محد يصلح من بينهم ولا مامنه فايده
اذا خلاص ماشي فايدة خليها تدعي وتقول اللهم اجرني في مصيبتي واخلفني خيرا منها والله ان شاءالله بيعوضها باللي احسن منه لانه يمكن اللي صار خيرة لهم هم الاثنين
اهم شي تحاول تشغل نفسها بأي شي لانه الفراغ بيخليها تفكر وتسترجع الماضي وحاولو انكم ماتخلونها بروحها واذا هيه ماكملت دراستها اقنعوها تكمل او تاخذ دورة تحفيظ قرآن او اي شي يعيبها لانه الطلاق مو نهاية العالم بس طبعا البداية صعب انها تتقبل الامر وبعدين بتنسى والحياة لازم تستمر
في رايي انه الولد اقل تأثرا من البنت من ناحية الطلاق بس مانقدر نعمم هالشي لانه في رجال بس قليل جدا يتأثرون لانه المجتمع للاسف دايما يوقف في صف الولد بس الحين الوضع بدا شوي يتغير بس مب تماما لانه الحرمه صارت تشتغل وتعتمد على نفسها مب مثل أول كانت تتحمل وتصبر خوفا من فقد المعيل وحتى ماتكون عالة على اسرتها اذا رجعت لهم مطلقة
والله يوفقها
الله يهون على بنت خالتج ويصبرها…
انا عاذرتنها صعبة على البنت انها تتطلق وهي بعدها في مقتبل العمر…..هب بس يصيبهم احباااااااااط الا دماااار من الداخل….الله يعينهم…
ولانها هي صاحبة الموضووووع تلقينها تتحسس زيادة وتم تقول ما بظهر الناس بيناظروني بنظرات ولا بيتمون ينغزونها بالرمسة وكلام النااااااس واايد ولا يرحمون….
ادري طولت عليج…بس اسميحليه…
بقولج اول شي ذكريها دوووم بان كل الاموور للمؤمن خييييييييير طال الزمن اول قصر…خليها تكون واثقة من هذا الشي…
وعليها بقيااام الليل دوووووووواء للانساااااان….وخليها تقرا القرآآن…
وتشغل بالها بشي ينفعهاااا وما شاء الله البناااااات كفن ووفن….
خليها تشوف اذا الكوب كان نصفه فاضي فلتعلم ان النصف الثاني ممزوووووور…(كلااااااام احد الفلاسفة)…للتفاااااااااااااؤل>>>>>>>>>جربيهااااا ااا انا كل ما اجربها على حد تييب نتيجة….
بعدها الدنيا بخييييييير……وان شاء الله يرزقهاااااااااا باللي احسن عنه… ويعوضها….
معقول الولد يتاثر بطلاق نفس البنت ؟
لا هب واااااااااايد…. الولد عاااادي ما في اشياء واااايد يعني تتغير في حياااته عكس البنت لان بطبيعة المراة تحب الاستقرااااااار….
بس في مجموووووعة من الشبااااااااااب فعلن يتاثرووووووووون لدرجة انهم ما يعرسوووون بعدها اذا كانوا يحبون البنية من الخاااااطر وهي الي اصرت على الطلاااااااااااق….
وهذا يبته من الواقع الي انا عايشه فيه…
ودمتي بوده….
ثاني شي مثل ما قالوا البنات تشغل نفسها وتقوي شخصيتها . فيه كتب حلوه .. فيه دكاتره ممكن يساعدونها تطلع من ها القوقعه ..لو بالتليفون او بالانترنت.. تشارك بمنتدى.. تشتغل شي تحبه .. تتعرف على بنات من خارج الديره .. وتكثر من الدعااااااااااااااااء..
واذا بنطالع الناس وكلامهم يا كثره كان متنا بس لا يهومنها والى متى كذا؟؟
والطلاق صح ابغض الحلال بس بعض الاحيان هو الحل الوحيد .. والله يعوضها باخير منه
وسؤالك.. اتوقع يتاثر الرجال بس مو مثل البنت ,,,