الكحه ذابحتني

السلام عليكم ..
خواتي الله يرضى عليكم عندي طلب اذا ما عليكم امر انا حامل فالشهر السابع واعاني من الكحه والبلاعيم وما قادرة تعبت ورحت المشفى عطوني كالبول بس

عطوني الحل ؟

اختي ربي يسهل عليج بس حاولي تاخديم ملعقه عسل وربي يحفظج ويحفظ بيبي وابي منج طلب ادعيلي ربي يثبت لي الجنين ويجعله حمل سليم

وانا نفس حالتج في اول السابع وفيني كحة قبل كان زكاام رهيب والحين خف بس تمت كحة ببلغم والله احيان من شدة مااكح احس اني بزوووع بس مافكرت اخذ اي دواء بحاول بس اخذ ملعقة عسل كل يوم والله يعيناا

الله يشفيج

الغاليه انا من بداية حملي كنت يمكن اخسسس عنج لمدة شهر لدررجة من كثر الكحه كنت اقوول احسس البيبي بيطلع خلااص بعييد الشرر
المهم ما تم شي ما جربته من الاشياء الطبيعيه وغير ادوية الكحه مال الطفال اللي عطوني والمضاد الحيوي الخفيف ولا فاد
ماا فادني غيير شيي وااحد والحمد لله ماا توقعته يخووز عني اصلا واناا خواتي ماا فاادنا غيره سواء حامل او مب حامل حتى اختي كان فيها كحه لمدة 3 شهور واخوي بعد خذ نفس الخلطه وكلل شي طاار باذن الله

الخلطه هي
كركم نثى مب عادي لاازم نثى اسمه جي هو عباره عن كركم طبيعي على شكل كوور مدوره قاسيه نفس البندق تكسرينهاو تطحنينه يتحصل عند العطارين او محل البهارات
ربع ملعقة شاي كركم نثى+ ملعقة شاي عسل طبيعي + تذوبينه في كوب مااي مغلي
واشربيه كل ليله لمدة ثلاث ايام
وشووفي النتيجه باذن الله
وادعيلي
الله يسهل عللينا

الحل عندي …………..سريييييييييييييييع ومافي اضرار .. والله العظيم كل حد جربه راحت عنه في خلال يومين .. الا انا وحليي لما كنت حامل ماحد خبرني عن هالحل العجيب وتميت اعاني 4 شهور من كحة وربو

تغلين حليب فريش وتحطين قفشة كركم صغيرة وشوية سكر ………………..لاغير

واشربيه يومين او 3 ايام .. وبتشوفين التحسن … وكل وحدة تقرا ردي تدعيلي احمل خخخ

كلي عسل طبيعي اشتريه من المحل الكحه بتخف
واشربي زنجبيل ويا ليمون ويا عسل او سكر << لانه الزنجبيل طعمه لاذع شوي

والله يشفيج