الي عندها طفل بعمر السنه تدخل

شو تطعمون عيالكم في هالعمر ؟؟؟؟؟؟؟
ادري بتقولون من اكل البيت بس مب كل شي يصلح الهم

ما ادري انا بروحي ام يديده انا اعطيها اي شي اكله بس المهم ما يكون حار يعني سبايسي
وبس ,,, لما اعطيها خضروات وهالاشيا ما اطيع تاكل

من عمر الست شهور ..او نص الخامس..

نفوور لهم الخضار وبعض انواع الفواكه…ها كبدايه

وعن نفسي…كنت اعطي بنتي من اكل البيت…عادي …

واذا ما تحبون..اطبخيلها رووحج…عيش ودياي ولا لحم..

معكرونه…كويكر…

عيش دياي سمك عيش وروب مكرونه عصير مشكل

العيش الابيض مع الروب والبطاطس الي من الصالونه او الخضار بس بدون صالونه

المعكرونه مع الخضار المسلوقه والجبن

الزبادي بروحه يموتون عليه

العيش المجبوس بس مايكون فيه فلفل مع روب

بطاطس مقلي اصابع اعطيهم بروحم ياكلونه بس مب دوم

الفواكه مع الروب

الفواكه بروحها بس بعيد شوي عن الفراوله والمسببات للحساسيه

الدياي واللحم المهروس

كويكر مع ماجي وماي

شوربه الخضار والدياي

كويكر مع حليب وسكر

نشا او مهلبيه

بسكويت

كيك

بيض (بس اتاكد ان الطفل ماعنده حساسيه من البيض)

الجبن مع خبز البيت

اممممممممممممم وايد اشياء

بس هذا الي يحضرني

روب عيش وعصيار واى شي اكله اعطيه بس الحين مريض موقف من الاكل الله يشفيه يارب

انا اعطي ولدي من اكلنا بس في نفس الوقت له وجبات خاصه مثلا الشوربه بالخضار يوميا العصر قريب المغرب
واعطيه بعد عيش وروب او صدر دياي مقطع ناعم عشان يقدر عليه وسمك ع البخار اذا الغدا مجابيس او صالونه واعطيه روب فواكه الضحى او قبل النوم او في الطلعات وعندج الكستر بعد ووو بعد نصيحه حطي في الشوربه طرف ملعقه صغيره كركم لانه مفيد للدم وكمون عشان الغازات بعد..
هذا والريوق تقدرين صمونه جبن ويا حليب مغمسه او شابوره بعد مغمس بحليب وهذا اللي يحضرني بس ابتعدي عن سالفه البهارات والصوالين هالفتره ما يتحملونها بعدهم صغار..

واي شي انا حاضره فديتج والله يخليلج الكتكوت الدلوع..