امي مريضه بالشكــ

غاليتي

هذي أمج واذا انتي ما استحملتيها منو بيستحملهـا

انتي ما تعرفين شو التجارب الي مرت منهم ..

ما تشوفين شو الأخبار الي تسمعها وتقراها من الجرايد ^_^ !

ما تعرفين شو القلق والحب الكبير الي في قلبها اتجاهج

الأمــومـة شي صعب

وبعض الأمهـات يترجمون هذا التدفق من المشاعر بالحنان والكلام الطيب

بس بعضهم الآخر لإنهم ما يعرفون يترجمونه قلق وشك

هي تحبج وتبغى تحميج ^^

ومن كثر ما عاشت وشافت تجارب مب زينـة استوت تشك في الناس أختي وتخاف عليج

يمكن خوفها بنظرج مبالغـة ,, بس يمكن في عينها تقصير ^^!!

وانها ما تخاف عليج عدل ولازم تكون حذرة أكثر

عشان جي انتي تحسينها تشك فيج وهي بالعكس أنا متأكدة انها تثق فيج

بس ما تثق في غيرج أختي ..

وانتي لازم تكونين عاقلـة وتحسنين لها

وصدقيني لو أمج عرفت طريقـة أفضل تربيج بها ما بتقصر وياج

بس هي الي تعرفـه تسويه ,, والي جهلتـه ترى مب بيدهـا

انتي حاولي ترشدينها تشوف دكتورة نفسيـة بخصوص الشك

أو مثلا طرشي لها رسايل أو سوي عمرج تتكلمين عن موضوع من الدراسة

ويكون بخصوص الشك وسوء الظن

وكرري عليها ان بعض الظن اثم

وان الإنسان بيتحاسب اذا حط شي في ذمتـه لإن رب العالمين يعلم ما تخفيه السرائر ^_^

وطولي بالج عليها

واحمدي رب العالمين

في أمهات عاقين عيالهم للبشاكير ولا يدرون عنهم ..

أمج تحبج وتخاف عليج

حبيها وصونيها ووجهيها وأهم شي ادعي لها

وربي يقويج ^_^