خواتي أنا عندي بنت توها داشه الخامس
طبعا أنا ترضعها طبيعي … ابا اعودها ع الصناعي
أنا اعرف ما بتاخذه ف البدايه لانها مب متعوده
خلال هاليومين جربت وياها حليب 26 s قولد
ما رشت تاخذه وبعدين جربت إبتاميل خذت اول مره
بس رقم وبعدين ما رضت … وفليل كله رجعته واليوم
حاولت معاها ما طاعت تاخذه … بنات أنا بداوم الاسبوع
الياي … فيدوني شو اسوي … وهل يصير اغير الحليب كل
يوم ولا لازم اصبر عليها اسبوع عشان أشوفها اذا يناسبها
ولا ….
وهل لازم اشاور دكتور ولا عادي
انتظركم يالامهات …
بس فيديني بالتمر كيف تسوينه والعصاير …. وعادي ف هالعمر
فيدوني صعب اشفط لها ما يطلع مني حليب
ان شاء الله البنات يفيدونج
خاطري مره احصل رد ع موضوعي
دائماً اكتب مواضيع وما احصل ردود وايده ليش 🙁
من تجربتي. اذا بغير الحليب. لازم ايمر عليه كم يوم وعقب احكم ناسب الياهل ولا لا
يوم واحد مايكفي. وخاصة انها مب متعودة عالصناعي
وابدي عطيها شوي شوي. كميات قليله وزيدي عقب. يمكن اذا عطيتيها مرة وحدة كمية كبيرة. معدتها ماتتحمل واترجعه كله بسم الله عليها
واذا الياهل مافيه غازات ولا امساك ولا اسهال. بروحي اغير الحليب. مااسير لدكتور
وفيه بالجمعيات بسكويت و سيرلاك خاص بعمر الاربع شهور وفوق. تقدرين تبدين تعطيها شوي شوي من غير ما اتثقلين عليها. وان شاء الله بتتعود عالاكل بس على مراحل.
وان شاء الله اكون افدتج