توه رجعت من عند الدكتورة وقالت لها الماي عند الجنين شوية بس
وتعالي الأسبوع اللي ياي بنرد نشيك وبنجوف وهيه واااايد متخوفة
قالتلي أنزل الموضوع يمكن حد مر بها الموقف يقدر يفيدها
بسرعة الله يخليييييييييييييييييييييييييييييييييييييييييييييكم
بس يمكن اذا شربت ماي وايد يكون اوكيه
وتمشي قدر ما تقدر .. مع اني ما أقتنع بها السالفة .. بس الدكاترة دوم يوصون بالمشي عشان تسهيل الولادة .. وخل تاكل تمر .. وتسأل دكتورة قبل لا تشرب زيت الخروع تحطه مع عصير وتشربه .. لأن استوت لي نفس السالفة في حملي الأخير .. وكانوا بيسوون لي طلق صناعي .. وفعلاً ترقدت في المستشفى .. بس الحمد لله بفضل الله ثم الاستغفار ودعاء الوالدة .. الله يسر الأمور .. ولا تنسى سورة الزلزلة أثناء الولادة والاستغفار ثم الاستغفار ثم الاستغفار .. وكل أمورها بتتيسر باذن الله ..
بس لا تسكت على عمرها .. الماي اذا قل عند الياهل ممكن يشكل خطورة عليه .. بس انتي لا تخوفيها .. طمنيها .. ولا تخليها تهمل عمرها .. تعب ها الشهور حرام الواحد يضيعه بكلمة الله كريم .. وخليها تسير مستشفى زين قد ما تقدر ..
والله يقومها والصغيرون بالسلامة 
وأنا جربت كل اللي قلتية وولاداتي الحمدلله زينه بس تعرفين قالو لها مول لاتمشي تمي طايحة