بشكارتي احسن من الدكتوره

السلام عليكم ورحمة الله وبركاته
ما بطول عليكم الغاليات انتو تعرفون انا من فتره ادخل القسم واطلب حل حق الالتهابات لاني فعلا تعبت وسرت عند دكتوره لاني بغيت اموت من الحكه بس قالتلي افطمي بنتج علشان اعطيج حبوب وانا بنتي بعدها صغيرها زادت حالتي وتعبت قمت ما ارقد الليل من الحجه عقب قلت حق البشكاره قلت الاندونيسيات شاطرات في هالاشياء وفعلا ماشاء الله عليها قامت فورتلي رمان وما اعرف بعد عشبه ما اعرف شو اسمها بس الحمد الله احس اني احسن قالتلي استمري عليه لين اسبوع وبتنزلج الافرازات ومن غير ريحه وفعلا قام ينزل مع انه كانت عندي الحجه من غير افرازات بس من شربته قام ينظف وانشاء الله من اخلص الاسبوع تكون النتيجه زينه وافتك

ادعولي الله يخليكم وانشاء الله ادا استفدت بخبركم الطريقه

ماشالله عليها
وعسى ربي يخليلج بنتج وتتعافين من الالتهابات

الله ايوفقج ويفقج من الالتهابات

صدق انها مرض ما ينطاق

وذكرتيني ان امي اتقول يبسوى الرمان واطحنوها وفوروها واشربوها اتشل الالتهابات

ويخليلج ريلج وعيالج الغاليه

والله يسمع منج

ماتشوفين شر

والله يوفقج بعد يالغاليه

الرمان ماشاء الله له فوايد وايد نحن لو عندنا خبره شراتهم كنا عالجنا عمارنا بالاعشاب ما يحتاي دكتوره وادويه حريم قبل ماشاء الله بعد عندهن خبره