السلام عليكم خواتي مثل ماشايفين في العنوان بغيت احسن دكتوره ترتب لي عشان احمل ابولد في ابوظبي . لاتقولولي دكتوره ناديه لأني سرت لها مره وكرهتها . ويزاكم الله الف خير ورزقكم باللي تتمنونه
اسمع عن مريانآ
جوفيهآ 
اسمعي مني اختي
مافي دكتوره تسوي هالشي.. مجرد دعايه!! وممكن تضبط وممكن ماتضبط!! عندج رب العالمين ادعيه وربي يستجيب لج!!!
شوفي ممكن ناس ضبطت معاهم لان الولد والبنت 50 % و 50%!! مب عشان الدكتوره زينه او شاطره لا لان رب العالمين كاتب!! وانا وايد اعرف ناس سووا ولا ضبط معاهم لان الله مب كاتب اختي… وناس ماسووا والله كرمهم.
اختي انتي تقصدين انج تبين تسوين تحديد الأجنة ?
اللي اعرفه يسونه عن طريق الانابيب والتلقيح المجهري وانا سويت أنابيب بس ماطلبت تحديد خليتها على الله والحمد لله حملت بجنين واحد فقط
اهآ انتي تبين تحملين بؤلد
سؤري فهمت غلط ، ماعندي فكرة عيل
بس آدعي وربج كريم
الغاليه ما في شي اكيد الا الحقن المجهري بعد اراده رب العالمين ومشيئته
بالنسبة لي ما اثق بنظام غذائي معين ولا جدول صيني ولا هالسوالف كلها
الله يرزقك الولد الصالح بدون أي تدخل بشري