هلا خواتي
انا توني مربيه يعني ما بيبقالي الا ايام واخلص الاربعين
لكن متنت اشلون مادري
اقولهم بسوي رجيم يعصبون علي ويقولن لا تسوين حرام عشان البيبي
بس ما يصير خواتي ين متى يعني انا من النوع اذا كلا ما يصك حلجه افه والله
وامتن ابسرعه بغيت حل جذري وسريع وخفيف يعني بغيت
اتبع رجيم حلو من صوب انا استفيد منه ومن جهه ثانيه ولدي ما ينحرم من شئ
ابليز فيدوني خواتي ابغي مساعدتكم وتجربه كل وحده فيكم
بانتظار ردكم
ربيعتي الاجنبيه (وانتي تشوفينهم كيف ما شاء الله يتغيرون بعد الولاده) خبرتني انها تبتعد نهائيا عن المعجنات و العيوش (الباسا البيتزا و الارز) بس تاكل شريحه خبز ألياف اسمر في اليوم.
و تكثر من الشوربات الخفيفه (كلير سوب يعني صافيه مافيها وايد حشو ولا كويكر و ماتكون شوربه كريميه لانها متروسه دهون)
و تكثر من السلطات الخضرا و تاكل فاكهتين في اليوم (تفاح، كمثرى برتقال الخ بس تبتعد عن العنب و المانجو)
و تاكل حصص من البروتين (بيض او لحم بدون شحم او سمج او دياي)
و تشرب وايد ماي و شاي اخضر و شاي اعشاب و عصاير فرش لااااازم فرش
و تبتعد نهائيا عن الشاي الاحمر القهوة و المشروبات الغازيه.
و تقسم وجباتها الي 5 وجبات خفيفه (يعني تقوم عن الاكل قبل ما ينترس البطن تقولي واااايد زين حق الغازات لان اذا كلتي 3 وجبات ثقيله تسبب غازات في الحمل و بعد الولاده)
الغاليه في الاخير هو نمط غذائي صحي اكثر من انه حرمان. 
انا ان شاء الله بتبع طريقه ربيعتي.
واكيد اختي اربيعتج بدت صح
لكن نحن يوم ناكل ننسى نفسنا
وان شاء الله اتبع نفس اكلها ونظامها
ماربي بالسلامه
واستخدمتها قبل
جيبي اله المش لانج لاتقولين بمشي بالشارع كله كلام فاضي سمحي لي
وجيبي السيكل حق الفخود والارداف اوكيه
والاكل كلي فطور لين تشبعين لاتحرمين نفسج…. وطلعي ع السيكل نصف ساعه
والغدا تغدي وع العصر ……… امشي ع اله المشي نصف ساعه
صدقيني بتنزلين لو تتعشين عيش عااادي
يمكن 5 كيلو بشهر و4 بالشهر الي عقبه والشهر العقبه بعد 3 وبتنزلين 12 كيلو
بيتغير شكلج 100 ف 100
بس لاتنسين الاكل الحلو الدهني لا
خذي آلة المشي والسيكل انا عنيه وزني يزيد وايد بالحمل واتبعت هالطريقه في حملي الاول والحمدلله نزل من وزني في 3 اشهر 16 كيلو
ابتعدي عن العيش ولو خاطرج فيه خذي كميه اصغر شوي من اللي تاكلينه وبعد الحلو ابتعدي عنه
وحاولي اذا تتعشين تخففين يعني لا تاكلين شي ثجيل وعليج بالسوائل وخاصه الماي عشان البيبي ولانه بتحسين بالشبع
يعني لا تحرمين نفسج بس خففي من الاكل وعليج بعد كل وجيه تمشين على الاله ولا السيكل نص ساعه ما بنقولج ساعه واكثر لان الحين عندج بيبي تهتمين فيه بس على الاقل نص ساعه