شحالكن خواتتي
هالسمستر مطلوب مني اكتب من 8 – 10 صفحات في موضوع " الطلاق في الامارات " طبعا بيكون بالانجليزي وما بيكون شي سهل ابدا !! " الجامعة الامريكية للاسف =( "
المهم
انا ابا افكار او نقاط احطها فالبحث
يعني مثلا بتكلم اول شي بصفة عامة عن الطلاق و انها وصلت ل 36 % هني فالامارات
و عقب بتنقل اهم اسباب الطلاق في الامارات فقط يعني الاسباب يمكن تكون الزواج المبكر او مثلا يوم الاهل ايوزون 2 و هم مجبورين " واحد محيريله بنت عمه بس هو ما يباها الخ .."
و بتكلم عن اثار هالشي ع الفرد والمجتمع و الحلول المقترحة للحد من الظاهره ..
ياااااا ريييت تساعدوني خواتي فالافكار ,, اباها تكون ورقة ناااااااجحه..
عطوني اسباب،، اثار ،، مقترحات،، اي شي
اترياااااا ردودكم 
انا بامس الحاجة لحتى لوفكرة وحدة
لا تبخلون عليه
و دمتم بحفظ الرحمن
بس حبيت اعلق على شي فوق… الزواج المبكر مش من اسباب الطلاق …لانه الولد و البنت من يبلغون يقدرون يعرسون …
لكن المشكله انه احينه تربي البنت انها اذا بالثنويه بعدها صغيرة …و الولد بعد ….
فهالشي هو اللي يخلي لبنت و الولد بهالعمر مش مؤهلين للزواج لانهم تربوا على عدم الاحساس بالمسؤولية و الدلع و الاتكالية ..
و اممم ممكن تسوين لقاء ويا حد مطلق ..
او تسوين استفتاءللاسباب …و توزيعينها …
و ممكن تسوين تصويت هنيه بالمنتدى …عن السبب الرئيسي ..و تحطين الاسباب ..و البنات يرتبون لج مثلا الاسباب حسب نظرة كل وحده ….و تحطين النسبة ..
و السمووووووووووووووووحه
و الله يوفقج فبحثج ..
و كتبي divorce in uae
و بتلاقين وايد بور بوينت و ريبورتات و مقالات عن الطلاق في الامارات ممكن تاخذين منها افكار
بالبحث في google تلاقين اللي تبينه ان شاء الله
بس كتبي بالانجليزي :
أسباب الطلاق
آثار الطلاق
…. الخ
و السموحه
اختي راعية اللكسز : انا وياج لكن هني فالاماارات عندنا من اهم اسباب الطلاق الزواج المبكر لان غالبا كل طرف يفكر برغبات و كماليات للحياه بدون تفكير واعي و بدون كنترول ,, هذا مش كلامي ،، هذا كلام الدراسات .. ^^
خواتي شفت الاشيا اللي في قوقل كلها اشيا بسيطة و ما فادتني بشي .. لا تنسون انها مش بحث مدرسي اييب مصادر من اي مكان ..
و انا ابا عن الطلاق في الامارات بالذات ..
بغيييت افكار و نقاط اضيفها
انا ناوية اسير محاكم دبي و اسوي مقابلات مع ناس مختصين ..
بس ابا اكون جاهزة للقاء هالناس وتكون عندي الافكار الي بتكلم عنها في 8 صفحات
)^