بلييييز ساعدوني بنات بليييز 💔😖😥

السلام عليكم ورحمة الله وبركاته خواتي العزيزات سيدات الامارات 🌹 انا قصتي قصه الصراحه، متزوجه صار لي 9 شهور حالياً بس خضعت لعمليه جراحيه بسبب تشوه خلقي في فتحتي تحت عزكم الله يعني بدال الوحده عندي ثنتين كانن وشليت الفاصل بعمليه ولله الحمد كانت قطعه فاصله خلقه من الله سبحان الله المهم الدكتوره عقب العمليه خبرتني انه اثناء اجراء العمليه اكتشفت وجود تليف عند فتحة عضلة الرحم بس للاسف ما ينفع اشلها بتدخل جراحي لانه راح يصعب علي موضوع الحمل ويكون خطر عالياهل 😟 هالكلام في شهر 2 المهم الحين رحت عند الدكتوره رنا حسين في ام القيوين لني سمعت مديح عليها ماشاءالله وقلت بفحص هرموناتي، طلع عندي الهرمون اللي يفجر البويضه نازل بس الهرمونات الباجيه زينه الحمدلله ولكنني حاسه بضيق من موضوع التليف والهرمون اللي نازل بلييييز ساعدوني اذا تعرفون حد يفهم في هالمواضيع ويكون شااااطر بكون شاكره لكم ويزاكم الله ألف خير مقدماً خواتي 😪

الله يكون في عونج ويشفيج يااااربي..
للأسف ما عندي فكره .. ان شاء الله البنات يفيدونج..

الله يكون بعونج ويشفيج حبوبه

سلامتج اختي مامن شر عليج …

انا بعطيج وصفه سبحان الله لكل شي لكل شي( هرمونات .الغده .السكري .القولون ….ألخ ) ..جربتها الوالده الله يحفظها للسكري ونفع معاها ..

المهم الوصفه تاخذينها صبح ومسا قبل الاكل ..يعني عالريج وقبل العشا .

الوصفه عباره عن ( قسط هندي + عسل طبيعي + الحبة السودا ) بمقادير متساويه …

واقري عن القسط واااااااااااايد ممتاز ومذكور فالطب النبوي

خذيه اول شهر وروحي سوي فحوصات ..يمكن تحتاجين 3 شهور عسب يرجع كل شي طبيعي عندج

ولا تنسيني من دعائج بارك الله فيج

الله يشفيج اختي

حبيبتي ربي يعافيج
جربي دكتورة كاميليا فالشارجة ف عيادة القصر ممتازة بس لو تروجي عالاقل تشاوريها يمكن ان شاء ربي ان يكون عندها خبرة

طمنينا عنج اختي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.