بنات إدعوا لجنيني الثاني

خواتي دعواتكم إن ربي يتمم حملي و يثبت الجنين….لأني كنت حامل بتوأم و ما أدري….و ياني عوار يوم الأحد و طنشت و ما راجعت المستشفى…و يوم الخميس الله لا يراويكم…أول ما نشيت…أغمي علي…و تكرمون رحت الحمام و شفت طاح شئ بس أغمى علي مرة ثانية….يوم سرت المستشفى قالتلي الدكتورة توأم و أجهضت واحد منهم…و عطتني تحاميل التثبيت للجنين الثاني….إدعوا لي خواتي…و الله يتني حالة إكتئاب…لأني حاسة إني السبب….بس الحمد لله على كل شئ…و ربي يعوضني….و يرزق كل محرومة

خواتي…نصيحة لا تهملون عماركم في الحمل نفسي….ريلي كان يترجاني إني أسير و أطمن عالبيبي و أنا راسي يابس أقول لا بفتح ملف يوم بدش الرابع…..و وداني مرتين عند الدكتورة….و رجعت البيت من دون ما أدش عندها….سبحان الله قدر الله ما شاء فعل…

المشكلة خواتي طلبت مني الدكتورة أرتاح إسبوعين و ما أتحرك….بس عندي دوام….ما أدري وين أراجع عشان يعطوني إجازة مرضية….و ما عندي إجازة سنوية….خلصتهم

الله يثبت حملج يارب .. واتشوفين البيبي بصحه وسلاامه حبيبتي ..

بس ارتااحي واتحملي من رووحج .. تراج الحين مسؤؤلة عن نفسج وعن البيبي اللي فبطنج اتغذي عدل ..

الله يثبت حملج وخذي راحة تامة والمفروض الدكتورة في المستشفى نفسها تعطيج اجازة مرضية وعليج بالدعاء

الله يثبت حملج فديتج
وكثري من الدعاء والإستغفار

تسلمون خواتي ما قصرتوا….و الله يتمم على خواتي الحوامل على خير

الله يثبت حملج ويتمملج على خير ان شاء الله

يـــــــالله ي ربي يثبت حملج ان شاء الله وتفرحين بالياهل اليديد
واللي راح طير من طيور الجنه غناتي والله بيعوضج خير ان شاء الله
وتحمي ع عمرج فديتج ارتاحي شوي حت لو تضطرين
تاخذين اجازه بدون راتب .. المهم راحتج والبيبي عيوني .. وعسى الله يرزقج
الذريه الصالحه ويفرحج وابو العيال ان شاء الله