مرحبا الغاليات
شحالكم..ان شاءالله بخير وعافية…؟؟
الغاليات ممكن تدلوني على مولات او اماكن معينة احصل فيها محلات فساتين جاهزة او بيع في دبي والشارقة..اريد فساتين تكون كشخة وفخمة..وحق الملجة فستان حتى لو ايجار للحفلة…
وهاليومين انا بسير مول الامارات في جميرا -دبي….تعرفون اذا فيه محلات فساتين او قطع فيه؟؟ وبالمرة ندور فيه فساتين اذا شي….انتظركم الغاليات تردون عليه لانه ماشي وقت عن الحفلة واريد اختصر الوقت…
لكم التحية….
Up
Up
ولا رد للحين..
الله يسامحكم
الله يسامحكم
السلام عليكم عندج الميجا مول في الشارجه وعندج محلين في صحارى بعد في الشارجه وعندج ليلي فالي الي عند الستي سنتر في دبي وبعد اذا تبين قطع حلوه بتحصلينها عند العيسائي في صحارى واذا تبين اتاجرين الصراحه عند ام ريم وريم الحوسني اشياء اتجنن ودزاينات جديده اممممممممممممممم شكلي نسيت شي لحظه خليني اتذكر اممممممم تعالي تعالي عندج اهم مكان شارع الرقه والمرقبات من اول الشارع لااااخره كله خياييط حق التفصيل والايجار والبيع بس تعبت اعتمنى اني ما قصرت معاج
حبيبتي والله الغالية ما قصرتي..وكفيتي ووفيتي….بس ما عليج امارة ممكن رقم الوات اللي ذكرتيهن يأجرن فساتين؟؟
ولج الف تحية
تاون سنتر شي محل فالطابق الأرضي يبيع فساتين حلوووه ومركز الهناء قريب من شارع الضيافه شي محلين فالطابق الأرضي عندهم فساتين وأسعارهم مختلفه ووين شارع الضيافه بس كأنج سايره صوب نفق الشندغه بتشوفين محل فيونكا ومركز البستان شي كذا محل ومحل لي لي فالي وين سيتي سنتر دبي واعتقد مركز دبي للتسوق عند سيتي شي محلات يبيعون بس مب متأكده وبعد دوار الساعه وكأنج سايره صوب حمرعين بتشوفين محل عند العربيه للعود يبيع فساتين وفي مركز صحارى قريب من سينما شي محل دار فانيلا للأزياء عندهم جلابيات وفساتين روووعه وبعد شي محلين أو ثلاث وميغا مول اعتقد الطابق الثالث شي كذا محل للفساتين وبالنسبه للقطع روحي مركز المنال أو مركز البستان شي وااااااااايد محلات يبيعون قطع وسوق الجديم في دبي بعد الديوان والمتحف وفالشارجه مركز ساره وسوق الجديم وسوق السور وعن الايجار بطرش لج أرقام مواطنات من الشارجه وعيمان يأجرون فساتين وان شاء الله ما أكون نسيت مكان وفي حفظ الرحمن
uuuuuuuuuuuuuuuuup