بنات مشكلتي غريبة واتمنى المساعدة

شحالكن بنات .. هذي مشكلة ربيعتي وهي بتكون متابعة للردود :
يا بنات انا اعاني من التشنج المهبلي من اول ما عرست ..اسمحولي على الي بقوله بس بشرحلكم ( التشنج اثناء المعاشرو الزوجة) يعني اتم شادة لدرجة ان ما يصير جماع ويصير الجماع مؤلم ومخيف …بس مع مرور الوقت التشنج خف بنسبة 70% بس كان بعده موجود…وعقب ماربيت ..الحمدالله ربيت طبيعي بس حالي حل معظم الحريم الي قصولهم شوي عسب يطلع البيبي وعسب تسهل عملية الولادة وطبعا بعد الولادة خيطولي المنطقة
الحين صار عندي التشنج اكثر من اول بحكم خوفي من الم المعاشرة …والخوف الثانيان المنطقة انقصت وانخاطت…فلا ارادي صرت اشد اكثر وابدن ما يصير جماع…والام يصير لا يطاق …
يا بنات في حد صارلها هالشي؟؟؟؟ اتمنى تفيدوني لأني بصراحة تعبت زماعرف شو الحل ..او وين اروح
وعلى فكرة رحت لدكتورة في بداية زواجي وحسستني اني اتدلع…وهذا مب دلع والله …بس ليش اشد وماقدر ارخي ماااادري
*
بليز ادعولي بالشفا ان ماقدرتو تساعدوني
*

فديتج يمكن هالحاله تييج من كثر التفكير والخوف
حاولي ترييحين اعصابج واذا ما فاد سويلج موعد مع الدكتوره عروبه في مستشفى النور شارع خليفه
الدكتوره واااااايد شاطره وبأذن الله بتفيدج

مشكورة ام الجووووووووري
والله اني استانست ان في وحدة ردت على موضوع ربيعتيه
يزاج الله كل خير
بصراحة هي وايد انحبطت يوم شافت ان 50 وحدة دخلت ولا اي رد ولا اي دعوة ولا اي شي

انا اختي صار عندها نفس المشكله بس اذكر انها راحت عند دكتوره نسائيه و اعطتها دهونات عشان ما تتالم وما تخاف وفعلا فادها وايد والحين صارت احسن

العفو فديتج نحن موجودين عسب نساعد ونخفف على بعض

الله يشفي ربيعتج ان شاءالله*

ربي يشفي ويعافي كل مريض , وبإذن الله الأخت بتتعالج وبتسعد بحياتها الزوجية.

الله يشفيها وإللي أعرفه إن الدكتورة توصف كريم تحطة قبل الجماع فلازم تسير عن دكتورة أوكي .. وتسلمين