السلام عليكم ورحمة الله وبركاته
في موضوع في قسم المطبخ .. ماكنت ادريبه صراحة .. اسمه طباخة في ورطة
اختي Rosewater اختارتني .. وطلبت من اشياء اسويها ومن بينهم سويت
وألفت هالسويت وسميته ..بودنج قلوب الحليب ..
في هالصفحةhttps://forum.uaewomen.net/showthread…351692&page=31
وهني بحطلكم الطريقة بالتفصيل
المقادير ..
– 4 اكواب حليب مقشوط … ( اذا ماحصلتي هالحليب ممكن تستخدمين هالطريقة .. تخلطين اربع اكواب ماي + 4 ملاعق كبيرة (مالت الصالونة ) حليب بودر + قشطة وتخلطينه بالخلاط خمس دقايق).. و يعطيج نفس النتيجة .. احيد مره سويت جي عطاني حليب شرات المشوط ..
– 3 اظرف جيلاتين (تسوينها بالطريقة المعتادة .. تذوبينها في ماي حار .. مكتوب عالبوكس)
– حليب مركز محلى الكبير
– نص كوب او اقل شوي سكر مطحووووون
– 8-10حبات هيل
-قوالب ( في الملال مايكون حلو.. لازم حجم صغير او وسط )
– فستق للزينة
الطريقة:
– تخلطين الجيلاتين ويا الماي الحار وتخلطين عدل عشان مايكون في كتل
– تحطين عالنار الحليب المقشوط .. والسكر
و حبات الهيل ادقينها دق بسيط وتحطينها في الحليب..وتخلطينهم .. وحاسبي لايحترق من تحت
– حطي الحليب المركز عليه وخلطي ( استخدمت حليب لونا )
– عقبها شلي اليدر من عالنار وحطي الجيلاتين وحركي .. وبعد حركي .. بس مب تضاربين وياه
يعني حركي بحنية
– افتر ذات صبيه في القوالب .. والقوالب حط تحتها صينية عشان ترومين تحطينهم في الثلاجة
وعقبها كافأت عمري بنسكافيه لاني سويته الصبح .. عالساعة 8 لول شفتوا النشاط ماشاءالله عليه
وتوقعت البودنج يجمد .. وشفته يترقص مب راضي يجمد .. واشله واحطه في الفريزر
وبسرررررعة جمد … لاتخلينه يثلج بس يتماسك ويبرد .. وعلى فكرة ماياخذ وقت كبير لا في الطبخ ولا في الفريزر .. يعني ينفع للزنأت لول
ها في صحن التقديم
الطريقة الاولى سويتها لابويه لانه مايحب الشوكلت وايد
زينته بالفراولة .. وصلصلة فراولة .. عشان اكسر اللون الابيض
وهاي الطريقة الثانية
رشيت الصحن بكاكاو بودر مر ( الصحن كان لي .. واحب هالطعم )
وحطيت القلوب عالكاكاو .. وفي النص الفستق .. والطعم لذيذ .. مثل الايسكريم العربي
وهو باارد لذيييييييييييييييييييييييييييييييييييييييذ ( عيبني الطعم ) .. بس مايكون مثلج مب حلو
اتمنى انه اختراعي عيبكم .. وفي انتظار تعليقاتكم … ولاتنسوني من دعواتكم الطيبة..
وشاكرة مقدما كل من بيشرف موضوعي .. سواء بالمشاركة والرد او المرور 
المشاركة الأصلية كتبت بواسطة UmSawaf 
تسلمين فديتج عالرد الرووووعة
شرفتيني بالمرور الحلوووو
خاطري اجرب السويت
مشكووره عالطريقه وانتظر ردج الغلا،، يالييييييت عالخاص
المشاركة الأصلية كتبت بواسطة 3athaB خاطري اجرب السويت
مشكووره عالطريقه وانتظر ردج الغلا،، يالييييييت عالخاص
يالله اتريا تجربتج ورااايج .. وطرشتلج عالخااااص
لول ماعرف ارد عليج لاني رديت في الرسايل الخاصه ..
نورتي الموضوع وحليتيه حبوبة
أختي بنفسج والله إني من المعجبات بأطباقج المتميزة اللي تقدمينها ماشاء الله تبارك الله ودومني أتابع مواضيعج ^__^ الله يقويج ويزيدج من فضله
وتسلم يدينج يا الغالية على هالوصفة اللذيذة والله يعطيج الصحة والعافية
أختي أنا بعد ما اعرف شو المقشوط ممكن طريقته لا هنتي ؟ ^__^
والسموحة فديتج