أول شي الحمد لله ع نعمة الحمل و على نعمة العيال ربي يحفظهم و يخليهم
حبايبي أنا هالموضوع حطيته هني عشان تستفيدون منه و يشهد ربي كل الأشياء جربيتها و يبت لكم فوايدها عشاني تعبت و أنا أدور مثل هالموضوع و ما أحصل فجربت و بكتب لكم شو الشي اللي استفدت منه صدق
أول شي الناحية الصحية للأم :
لا تنسين تاخذين حبوب الفيتامين و الكالسيوم تراها مهمة و تمنع هشاشة أسنانج و عظامج
هالنوع روووعة استخدمته ع حملي ف عيالي كلهم ربي يحفظهم حبة ف اليوم قبل الحمل و أثناء الحمل و بعده
حبوب الكالسيوم حبتين ف اليوم
حبوب كبد الحوت عشان ما يطيح شعرج من الرضاعة تراها زينة و طبيعية و فيها فيتامين د حبة أو حبتين ف اليوم
العناية ف أول 20 يوم بعد الولادة :
النظافة الداخلية:
حبايبي أنا ما أسوي دعاية حق حد أو أقصد شي بس و الله هالشي اللي فادني و نظف لي الرحم عدل و هو : قهوة النفاس و التمرة العجيبة من عند حبيبة قلبي : تاجرة السعادة
بأول عيالي شربت حبة الحمراء كانت حلوة و زينة بس مب مثل قهوة و تمرة النفاس تشل الوسخ و تنزل الدم الفاسد و تريح البطن .. عن تجربة رهيبة .
النظافة الخارجية :
اتسبحي بصابون الأطفال حتى المنطقة الحساسة اغسليها بصابون الأطفال لا تستخدمين صابون ديتول و الا لايفبوي ، خلج ع صابون جونسون للأطفال و اتدهني بزيت الأطفال عشان الريحة الحلوة لا تحطين عطر حرام البيبي ما يتحمل العطور
إذا صدرج بدا يدمي أو استوى فيه قرح ما شي عقب هالكريم رهيب رهيب اغسلي صدرج و حطيه
ع القرح بيهديه ع طول خذي اللي لونه وردي لأنه أنواع
إذا البيبي وايد يصيح و الغازات غاثتنه لا تعطينه غير الإنفاكول حلو و طبي بيطلع كل الغازات
العناية ف آخر 20 يوم :
العناية الداخلية :
اشربي خلطة العذراء السحرية بعد لتاجرة السعادة روووعة و تنظف الرحم صدق و ما تأثر ع البيبي
كلي تمر خااااااصة العجوة و الله تنظف الرحم و تشل كل الرواسب اللي تامة .
العناية الخارجية :
اتسبحي بأي صابون مبيض و انصحج بميسور مال الصندل موجود ف الجمعية و البقالات بعد
اتفركي بهاللوشن الرهييييييب يبيض و ريحته رووووعة
ها يا بنات حبيتوا الموضوع أكمل ؟؟؟؟
ما أبغي منكم غير دعوة بالغيب ربي يحفظ ريلي و عيالي
جهد كبير في ميزان حسناتج
ربي يوفقج أختي 
"من وثق بالله أغناه ومن توكل عليه كفاه "
ثااااااااااااااااااااااااانكس
ادد ت فافوريت
المشاركة الأصلية كتبت بواسطة thariya 
ربي يخليج و يعطيج اللي ف بالج يا رب
أترياا التكمله بليز
والله يجعله ابميزان حسناتج يارب ،،،