لاحظت إن القسم أغلبه للعرايس.. مع إن نحن خوات المعاريس ( سواء خوات العروس أو المعرس ) نتوهق شراتهم ..
شو رايكم بتجمع خوات المعاريس والعرايس هنيه ..
أنا أختيه فديتها يعلني ما اخلا منها عرسها الشهر الياي الله يوفقها ويرزقها الخير ويسخر قلب ريلها ويعطيها الذرية الصالة تربيهم ع الخير وتداريهم كثر ما كانت تداري اخواني الصغار وأكثر <<<< عادي اصيح 
المهم نبا نسولف عن الميك أب والاغراض والتجهيزات وشو ممكن نسوي للعرايس ونعدل لهم ..
أنا ما سويت شيء للحين .. أوني أبا أسوي ريجيم .. أمشي عليه اسبوووع واخبصه اسبوعين 
بشوف تجهيزاتكم .. خبرونا وبنخبركم ..
أنا من بوظبي دار الظبي … كل وحدة تكتب لنا هي من وين …
السـلام عليـكم ورحمـه …
هيه والله زين يوم سويتي لـنـا تجمـع …<<< مالناا رب شـووو خخخخ
انا عن نفـسي كنت شـرات بسوي رجيـم اون << والله طااااااف معني دووووبـه وللله
بس الحمدالله حصلت لـي فستان وعـرس اختي يـوم السبت الياي ^^
الله يـوفقها ياااارب وتتوفق ف الحياه الزوجيـه ويرزقها الذريه الصالحـه
وان شاء الله نتزوج من بعدهااانا واختي العـودهـ .. ^^ اللهم امـــــين .
اناا مجهـزه روحـي حق العرس والليلة الحنـه .. سويت شغلي بسرعه .. ^^
عسبت اظهـر ف احلـى لـوك ^^
انا من الخـور ^^
الفستان بأجر ان شاءالله بروح بطالع عند ( ريم الحوسني / ميثاء المطروشي / اذا حصلت حد ياخني بوظبي بروح لندى العلي ) واذا عرفت حد ثاني بروح اشوف وعقب بجز بس بعدني ما بدأت رحاة البحث …
الميكب كنت ابي احجز عند ناريمان اللي مع هيفاء صفر يس ماحصلت لانهم بيطلعون هاليوم يعدلون برع الصالون
واحينة محتارة في الميكب ماعرف عند منو .؟؟؟ تعرفين خوات المعاريس والعرايس مانبي اي كلام
ماقلتيلنا عند منو بتتعدلين ؟؟؟
الله المستعان
انا من دبي ……………..
انا اخت المعرس …. حجزت ميك اب عند سميه السويدي … وفصلت فستان
والحمدلله اسوي ريجيم خفيف ،،، يعني ما اكل من المطاعم موول واسوي رياضه …
واسوي تقشير للجسم بملح الحليب .. يوميا لين يوم العرس ^.^
ومفكره اطلع بستايل نجمات هوليود …. فستان نااااعم وميك اب لبناني
