هذي المواضيع الي كتبتها وفيها قصتي من بدايه حملي
https://forum.uaewomen.net/showthread.php?t=667381
https://forum.uaewomen.net/showthread.php?t=672418
والحمد الله على كل حال كملت حملي والحين انا في الشهر الثامن وفي 33 اسبوع
والحين اتابع حملي في مستشفى الكورنيش ودكتور اتابعني كل شهر وطبعا وقالت
نفس الكلام الجنين ماراح يعيش والماي مافي حوليه عنده تضخم في الكليتين وسببها
تكيسات في الكليتين وعنده الجمجمه مامكتمله نموها والمخ طالع على برع وعنده كيس في الرقبه
الحمد الله على كل حال وقالت لي طيحي وكنت وقتها في الشهر السادس وانا رفضت وطلبت اني اتكلم مع استشاري الاطفال واقوله عن الحاله استشيره قلت يمكن القه حل عنده او يقولي شي ثاني
بس للاسف الدكتور يخيرني في ثلا ث اشياء ونا محتارة شو اختار وشو اسوي دخيلكم الي مرت مثل حالتي تخبرني قالي (اني اختار انه يولد الجنين ويسويله فتحتين في الصدر ويركبله وايرات في صدره ويعيش طول عمره بلوايرات والاختيار الثاني انه يركبله اكسجين صناعي ومراح يشيله وراح يعيش بالاكسجين الصناعي والاختيار الثالث انا اول مايولد مايسوله شي يعني مايسعفه ويتركه بعيش او لا
)وانا محتاره شو اختار وشو اسوي اخلي يعيش بلويرات ويفتح له صدرة ولا بالاكسجين الصناعي طول عمره والله انا وااااايد حيرانه الله يخليكم قولولي شو ارد على الدكتور وشو اقوله منو الي مرت مثل حالتي وعقب شالو الوايرات والاكسجين وعاش والي ماتعرف تدعيلي ان الله يفرج همي ويقر عني بجنيني
على فكره انا مارديت على الدكتور وقلت له خلني وافكر
تلاقين الحل المناسب اللي يريح قلبج ويفرحج ياربالله يعينج حبيبتي ويصبرج
الله وياج اقلبي
بس حطيت مكاني مكانج
بقيم الليل وباستخير يعيش هالجنين ولا لأ
الله يعينج اختي ويصبرج
اختي صلي استخارة و اكثري من الاستغفار …. و كل يوم اقري سورة البقرة كاملة .. لا تتكاسلين صدقيني بتشوفين التيسير و التسهيل من رب العالمين .. لا تطلبين العون ولا الأمل و لا المساعدة الا من رب العالمين .. وخلي كل شي بحياتج فيه حسن الظن بما كتبه الله .. الله يعينج و يقوي قلبج و يرزقج بكل خير .. و ان شاء الله يا رب الله بيلطف بحالج و بغير حال البيبي للأحسن ان شاء الله ..