تعبت من الرضاعة الطبيعية

سويلها رضعه صناعي كبيرة قبل النوم, بس اذا ما عودتيها من عمر شهرين على رضعه صناعي وحده في اليوم صعب الحين تقبله, والله يعينج
حاولي تعشينها زين قبل النوم علشان تكون شبعانة

انا نفسج ولدي ماشاءالله عقب شهرين بيكمل سنتين وبفطمه الحمدلله
بس صدق عانيت وااااايد – لان طول اللليل يقوم يبا يرضع مع انه ضعيف بس ماشاءالله عنده حركه
الحين عودته اعطيه مرضعه حليب صناعي قبل مايرقد وينش بس الفير يرضع

كيف نبا الاجر لازم نتحمل ونصبر ولاتنسين ان هالشيء زين حق البيبي وحقنا نحن

انا للأسف ما رضعت بنتي الا شهرين

ووايد زعلانة من هالشي ,, بس شو اسوي حليبي كان شوي ,, وبنتي كانت واااااااااايد ضعيفة

ان شالله اذا االله رزقني بولد ولا بنت ,, بحاول ما ارضعهم صناعي

انا بعد مثلكم ^^

للحين ارضع ولدي طبيعي .. واكيد في تعب بس الاجر عند الله

وناوية ان شاء الله افطمه يوم يكمل سنتين …

الله يعيييييييييييييين ..

بالنسبة للاكل احاول اخلي الوجبات صحية واخذ فيتامينات مساعدة بعد ..

وطبعا الرقاد مثل ما قلتي متقطع >< وهذا اصعب شي .. لان ولدي للحين يصحى كل ساعتين مرة عشان يرضع ><

الله ياجرج وياجرنا وياجر الأمهات أجمعين
والله ياأنه حالي من حالج من ربيت وأنا كل ليله ريلي وبنتي يتناوبون عليه يسولي مساج
من سهر الليل والتعب والرضاعه
وجربت كل شي بس الله المستعان ما فاد مع بنتي شي ..خلاص لازم أتقبل الوضع وأفكر بأيجابيه
وأستمتع خلال هالفتره مع بنوتي
أن بغت تسهر نسهر ياحياها الله ..
وأن بغت ترقد نرقد نوم العوافي ..
وأن بغت تلعب نلعب أبرك الساعات وأحلاها ..
بغت تصيح وتغلس بحضنها وبرضعها ..إلي باقلي سنه الله ياجرنا ويصبرنا .

وبالنسبه لوزنها ياويلي ناقصه كيلوين عن وزنها .. بس بسم الله عليها تاكل فديتها كل وجباتها
من بروتينات ونشويات وفواكه وخضار
وأمايه دوم تقولي كله من حليبج الخايس ما يربي كل ما ترضع ياخذ من عافيتها
والدكتوره تقولي عطيها حليب مرتين في اليوم دامنها عدت السنه في الكوب وتشربه بالمصاصه

أمهات
الدكتوره نصحتني ما أعطي بنتي حليب فرش من إلي نشتريه من الجمعيه مثل المراعي والعين والروابي وغيرهم
لانه البروتين إلي في الحليب قوي يسبب أضرار لكلى أعيالنا من عمر السنه وطالع .. فانصحتني بحليب الغنم أو حليب البوش تقولي مفيد لهم وايد والبديل لهم الحليب المجفف لانه مدعم بالفيتامينات والكالسيوم