تعرفين كيف تسوين عربة الطفل . ؟؟؟؟!!!!

السلام عليكم الغاليات

صباح الخير والانوار ,, اشحالكم ان شاء الله بخير ,,,

هذا موضوع كنت من زمان حابة اني احطه لكم عسب الجميع يستفيد ان شاء الله انا وانتوا ,, السموحة على رداءة التصوير بس للحين عندي مشاكل في الكاميرا وهاي كاميرا قديمة لقيتها عندي

واااااايدين اللي يحبون الاشغال اليدوية اللي نسويها بالورق ,, واكيد شرات ما تعرفون اني تعلمت الموضوع ها هنيه في المنتدى من الغالية فديتها ( مناية ) ربي يحفظها ان شاء الله ,,, ومن يوم ما تعلمت كنت دووووووووم افتر في جوجول ( صور ) ادور على template box ,, اتعلم من الباترونات الجاهزة الخاصة بالعلب المنوعة ,, او احاول اني اسوي لنفسي باترون خاص بشكل عيبني بس للاسف ما لقيت له باترون ,, والشي المناسب والصحيح دايما اكيد انج تسوين الشي بنفسج عسب ما تكونين مقيدة بحجم معين او شكل معين ,, وعسب بعد تقدرين كخطوة ثانية انج تسوين علب وباترونات بأشكال غير خاصة فيج ,,

عسب جي انا حبيت احط لكم بعض الباترونات اللي اسويها بنفسي ,, ومن هاي الباترونات شكل عربة الطفل ,,, اللي نفس هالشكل ,,

خليجية

هالشكل انا سويته ومبين عليه انه مب طالع من انسان بروفيشنال بس يلله انا بعدني في بداية المشوار خليجية

اوكي نيي للطريقة ..

اول شي الادوات المستخدمة هي :

خليجية

+ صمغ .. صراحة الصمغ الابيض الخاص ما عندي بس في العادة استخدم اوهو السايل او المعجون حسب ,, صح يبقع بس هاي انا بس اتعلم اشلون يسوون اما الشغل البروفيشينال يعني شعل التوزيعات الخاص فيني هاي اكيد يبالها اشياء خاصة ,,

الطريقة :

خليجية

1- نرسم خطين مستقيمين يمرون في منتصف بعض (+) واكيد يكونون متساويين في الطول ( 5 سم ) او اي قياس ثاني براحتكم

عقب في المنتصف نوقف راس الفرجار المدبب ونقيس نص طول المستقيم ( 2.5 سم ) ونرسم 3 ارباع الدائرة بنفس الطريقة الموضحة اعلاه ,,

خليجية

2- نرسم خطين نفس اللي في الصورة وكان قياس كل خط فيهم ( 3.5 سم ) وعقب نحدد منتصف كل خط فيهم ونحطي فيه نقطة وكان المنتصف عندي ( 1.7 سم )

خليجية

3- نرسم دائر ة قطرها 1.7 سم ونص قطرها ( 0.9 سم ) بس الدايرة ضربت معاي شوي لان السافة واااااااايد صغيرة فالفرجار وحليله ما قدر يثبت ههههههه ,,

خليجية

4- نقص الدائرة الكبيرة اللي سويناها من اول + دائرة ثانية نفس قياسها .. ومن الدائرة الصغيرونه اللي سوينها نقص 4 دوائر عسب العجلات ,,

خليجية

5- نحدد في الدائرة الكبيرة الثانية منتصف الربعين اللي تحت شرات ماهو مبين في الصورة ,,

خليجية

6- نلزق العجلات من بداية النقط اللي حددنا بها المنتصف الربعين اللي تحت لين اخر العربة شران ما هو مبين في الصورة ..

خليجية

7- نرسم مستطيل قياسه حوالي 12 * 3 سم ونقصه او اي قياس تفضلونه براحتكم

خليجية

8- نقصه بها الشكل من كل ناحية تقريبا نص سم ونقصه مشرشر بنفس الطريقة

خليجية

9- المفروض اني اراويكم الصورة لكن صدق نسيت سوري ,, المهم اللي صار اني حطي على الجهة المشرشرة صمغ ولزقت كل جهة في جسم العربة الدائرتين الكبار على اطرافهم طبعا عسب تطلع بنفس هالشكل اللي في الصورة ان شاء الله انه باين ,,

خليجية

10 وها الشكل النهائي للعربة .. تقدرون تلونونها او تلزقون عليها شكل العربة ( تنزلونه من النت ) ,,,

طبعا هاي في الغالب ممكن تكون توزيعات خاصة بالمواليد اليداد ,, وممكن تحطين الشوكولاته وهي ملوفوة بتور داخل العربة يطلع شكلها حلوو ومرتب ان شاء الله خليجية

والسموحة على القصور لو في شي مب فاهمينه والا شي ,,

وان شاء الله انه يكون درس مفيد لي ولكم على السواء ,, والله يوفقكم وييسر لكم الخير ان شاء الله دنيا واخره

@اختكم في الله @

ام ناصر خليجية

روووووعه اختي…
بدايه طيبه

تسلم ايدج الغلا

و عقبال ما نشوفج بروفيشيونال و نطلب منج ^_^

بداية حلوة حبوبة

الله يوفقج يارب

شي حلو الصراحه … وتسلمين الغلا ع الصور والمجهووود

بداااااااااااية موفقة اختي .. بس واااااااااايد حلووو ..

روووووووووووووووووووووووعة فكرة جديدة وسهلة ماشاء الله عليكى اختى ام ناصر تسلم ايدك اسال الله ان يرزقك من واسع فضله

ما شاء الله عليج ^_^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.