تفل على ويهي جدام الناس . للاسف هذا زوجي !!

بقولكم الموقف اللي سواه ريلي ومب قادره انساه .. وبموت من القهر بسبته ..

انا متزوجه من سنه ونص وحامل بالشهر السابع .. ريلي علاقته فيني الحمدلله زينه بس دومه اذا غلط علي بالذات اذا كان نوع الغلطه (اهانه)ما يعتذر ويدري اني بنجبرر وبرد اكلمه عادي ولا كنه شي صار

قبل كم يوم كنا في كارفور الماررينا نتشرا اغراض للبيت انا اذا ما كنت حاطه ميكب ولا جحال ما اتغشى اتحجب بس .. وهاك اليوم يوم وصلت عند الرفوف رفعت الغشوة لني ما كنت حاطه شي فويهي .. وكان زحمه شباب وبنات فاضيين من اشكالهم امبيين عليهم يايين حق مغازل .. ريلي اول مره ما يمشي وياي وانا اشتري .. كل شوي يختفي ويخليني بروحي اتشرا للبيت .. كان يختفي وعقب شوي يرد .. الحرركة هاي سواها 3 مررات يختفي عني وانا كنت احتاجه يساعدني يحرك العربه .. اخر مره ودرت اللي بايدي وسرت ادوره .. يوم لقيته قلتله انته وينك ما تيي تساعدني بلاك ما تتنزل تمشي وياي ولا مستحي مني … انا من القهر قلت هالرمسه جان يعصب قال انتي ما تتحكمين فيني انا كيفي شو تبيني اسوي حذالج احرسج مثلا .. قلتله هيه احرسني المكان زحمة خلك وياي .. تم يعق رمسه ويسبني ويهددني بعطيج كفف جدام الناس وما يهمني ويتمصخر ع شكلي وضربني ضربة خفيفه ع كتفي .. انا انجررحت من كلامه عقيت الغشوة وطلع شوي من قصتي ومن القهر ما اهتميت ولا دخلته قلتله سير كمل حواطه ما يخصك فيني وجان اسير عنه .. ومن اول ما دخلت كارفور كان في واحد يلاحقني وين ما اسير ويطالعني من بعيد لبعيد ..انا استغرربت لن شكلي ابدا ما يوحي اني يايه ادور هالحرركات وحامل وحالتي حاله ويامكثرهن البنات اللي يستعرضن هاك اليوم … وواحد ثاني خطف وتم يتغزل وحالته حاله .. وانا خايفه وامشي بسرعه ابا اخلص واطلع من المكان لني اخاف من هاللاشكال وما اعرف اتصرف وياهم ..عقب شوي ياني ريلي ولاحظ الريال اللي يلاحقني واتهمني اني انا اسويله حركات وادلع عسب جي هو ما يفج .. وانا احلف اني والله ما سويتله شي بالعكس امشي وانا معصبه وما اطالع حد قالي دخلي هالشعرتين .. جان اتحجب .. المهم ريلي يسبني ويقول انتي زباله والزباله ما ادوور الا الزباله شراتها ومن الكلام الخايس .. كل اللي قلتله اوك مشكور .. خلصت شوبنق وسيده سرنا عند الكاشير والريال مب محشم ريلي ويلاحقني جان يقول انتي سويتي هالحركة عسب تقهريني قلتله والله مب متعمده لكن الحينه استانست يوم شفتك مقهور .. تفل عليه جدااااام الناس فالزحمه انا وقفت مصدومه استوعب الموقف .. وفي ناس انتبهت عليه كانوا مصدومين شراتي .. جان تدمع عيني بس صخيت ما قلت شي مابا اكبر السالفه جدام الناس .. قالي استحيتي الحين صح ؟؟؟ قلتله المفروض انته اللي تستحي مب انا …! وخلصنا وردينا البيت ..

الحينه ما اكلمه الا اذا في شي ضروري يروح ويرد ما ادري عنه بس اطبخله وازهبله ملابسه وبس .. بس اذا هله او هلي زاررونا امثل اني عادي ومافيني شي .. ومن يطلعون ارجع لويهي الثاني .. خاطررري مكسور لنه هاي مب اول مره يهيني ويتفل ع ويهي قبل كان الموقف اسخف وتفل علي وخبرت اخويه وكلمه .. وما ااعتذر بالعكس ذلني ذل لني خبرت اخوي وشوهت صورته جدامه .. ومره سبني جدام خواته وعاتبته وما اعتذر .. والحينه جدااام الناس وبعد شكله مب ناوي يعتذر .. لنه مسويلي طاف ومب هامه ..! والله احس اني وايد انجرحت منه بس مابا افتح وياه الموضوع لنه هو اصلن مب مهتم مع انه ملاحظ اني متغيره اسوي شغلي وانا ساكته ما سالني شو فيج ..؟ ولا طيب خاطرري بكلمه .. صح اني غلطت يوم عقيت الغشوة وما اهتميت لشعري اللي كان طالع وقهرته بهالاسلوب لن هالشي قبل لا يكون له لربي .. وانا حسيت بغلطي في نفس الوقت واتحجبت يوم ياني وقالي دخلي شعرج .. بس هو متى بيحس بغلطه ؟؟

شو اسوي وياه .. مستحيل انسى اهانته لي اذا ما اعتذر .. بديت اكرهه .. اتريا بس موقف ثاني واقوله طلقني ما اتحمل اعيش في اهانات وانا حاشمتنه هو واهله وحاطتهم فوق راسي .. وهذا اللي يجازيني فيه .. بديت اكرهه واكره اللي ربووه بسبت هالحركات اللي اشوفها منه .. تعبتتتتتتتتت

اتمنى وحدة من ذوات الخبرة اتفيدك

و اغلي من داااخل

ريلج مب صاحي و مريض نفسي

انا ما عرف انتي كيف تحملتي بس امين انه لا يحترمج و لا يقدرج و لا مسويلج سالفه

انا لو مكانج كنت مسكته من شعره و دقيت راسه في الطووفه بكل قوتي

خاصه مع الحمل صايرة عصبيه موووت ما اتحمل

كلمي ابووووج مب اخووج ابوووج الله يخليج كلميه بالحرف الواحد شو صار

انتي اللي بديتي على فكره!!! كان المفروووض ماتقوليله وينك مختفي او وينك او او او او او!!؟؟ خليه على راحته

اصراحه تستاهلين اللي ياااج انا مااقصد التفله لا لا لا.. اقصد انه هزبج!!! خليه يروووح ويرد شو بيستوي لج يعني.. اصلا الريال بطبيعته مايحب الحرمه اللي تتحكم فيه

بس موضوووع انه يتفل عليج جدام الناس.. صراحه مايستحي على ويهه
عييييييييييييييييييييييييييييييييييييييييييييييييي ييييييب