شحالكم حريم ..عساكم إلا بخير
اليوم بقولكم عن زيارتي لمحل بريتي مذر لأن الصراحة أستفدت وايد من المنتدى و حبيت أفيدكم … :22 (12):
نرجمع لمحور حديثنا ..أنا من فترة كنت ادور على محلات تضبطلي الخياطة و يكون شغل راقي و سعر معقول ..فأختكم سوت تحرياتها و أستفتاءتها ..و النتيجة كالتالي : كنت حابة افصل عند انا وطفلي بس الكل ما مدحهم من ناحية تسليم الطلبية و المعاملة و السعر المبالغ بس موديلاتهم يقولون حلوة .. وثانيا : سرت عند وحدة حرمة فالبيت شغلها حلو بس تتفلسف قلتلها القطعة من عندي و الدانتيل تقولي ما يفرق السعر ال 400 و 600 نفس الشي يعني قلتلها عيل مع السلامة ..و و انا كنت شارية من فترة قطع قطن ويل مع الدانتيلات من مركز زايد و كله يمكن كلفني 400درهم فأمس كنت سايرة صوب محل بريتي مذر قلت خلني اشوف اذا القطعة من عندي و الدانتيل كم بتسويلي ..هم اسعارهم شوي غالية يعني الكشخة 650 وطالع المهم دخلت عليهم في فلبينيات ثنيتين في حالهم و الحرمة الي تبيع ايرانية بس و الله طيوبة يعني ما تتفلسف ..المهم سالت على كم موديل كانوا تقريبا 650 بعدين قلتلها انا عندي القطعة و الدانتيل قالت الخياطة ب 200 بس أنا ما كنت شارية الشرايط الي مثل الداتيلات الصغار مادري شو اسمها حق الأطراف قلتلها حطيها من عندكم زودت و قالت 300 بس بعد معقول يعني تقريبا القطعة مع الخياطة كلفتي 400 ..يعني سعر حلو و شغل مرتب و راقي و قلتي بعد 25يوم تعالي استلميهم هم 3 قطع مع الدانتيلات كلفني 900 درهم يعني الخياطة و القطع كلهم مع الخياطة 1300دهم يعني وفرت… بعدين عيوني قامت تلف فالمحل حصلت قماط حلو ب و راقي 150 مع كيس البيبي بس انا طلبت اسفنج شوي خفيف لأن المعروض كان وايد اوفر كان ب 300 سوتلي 200 و شوي احصل تلبيسة حق قلاصات العصير الدرزن ب 200 خذت نص درزن ب 100 اممم شو بعد هيه سألنها عن الشيل حلاوات ويل و فيهم شغل بسيط ب 50 فصلت و حدة …بعدين بس خلاص يبالي اشتري بعد كم قطة و افصل ..و انا طالعة لمحت نعول الي يعزكم تفصيل عليهم شغل و حركات جان ربيعتي تقولي يلة مافيه مصختيها:1 (37): هههههههههه بس يوم بسير مرة ثانية بفصلي واحد من وراها :1 (35):
وسلامتكن واي سؤال حاضرين للطيبين.. :22 (5):
والحينه مفصله عندها السليب باق مال البيبي مع الشنطه على 500 درهم وستاره حق فوق السرير على 300 درهم
بس قمصان النوم اشتريت من عند وحده نفس مستوى بريتي مذر واحلى على 500 و 600 درهم والقطع والدانتيلات من عندها…