حامل فالشهر الثامن وابى اسافر شوركن الغاليات!!

السلام عليكم ورحمة الله وبركاته

شحالكن خواتي عساكم بخير

خواتي انا توي داشه فالشهر الثامن فالحمل والحمدالله صحتي وصحت البيبي تمام التمام ع قولت اخوانا المصريين بس عندي فقر دم بسيط والامور طيبه

المهم يا خواتي انا نفسيا تعبانه واااااااااااااااااااااااايد واحس اني بختنق وخاطري اغير جو قبل ما اربي وانشغل فالبيبي ولان هذا حملي الثاني ف متخوفه و وايد افكر كيف بلحق اهتم فالبيبي اليديد واخوه لان اخوه توه كمل سنة وانا اداوم ف نفسيتي زفته ولله الحمد على كل حال

سؤالي يالغاليات انا ناوية اسافر سوريا 5 ايام بس ف اللي سافرت الشهر الثامن شو كانت امورها يعني هل اثر ضغط الطيارة عالبيبي او عليها لاسمح الله والا عادي ؟؟ مع العلم انا ناوية اسافر على آخر اسبوع لي فالثامن

اللي ما عندها خبرة تعطيني رايها ولكم جزيل الشكر

ما انصحج الغاليه تسافرين … خاصة انج في الثامن …. غيري جو في البلاد احجزي في فنادق وايلسي كم يوم يمكن مزاجج يتغير …بعدين اذا صار شي لا سمح الله بتندمين …هذا رايي وتولدين بالسلامة ان شاء الله ( انا بعد في الثامن )

انا بعد ابغي اسافر بس الوضع مايسمح لأني في الثامن
وخاصة اني اداوام ابغي فترة نقاهه اغير فيها جو
بس شو انسوي

الغاليه ما ينصحون السفر في هالوقت و اصلا شركات الطيران ما بتوافق الا بورقه لا مانع من الدكتوره.

غيري جوو في فندق (^^) مثل ما قالن البنات.

الغاليه كلنا تيينا ضيجه و خصه مع اقتراب موعد الولاده. سيري فنادق و غيري جو مع ريلج.

للعلم انا بعد في الثامن و كنت جابه اسافر هالسنه…بس لاحقين على السفر.

حبوبة اخر مراجعة لي عند الدكتورة قالت لي اذا تبين تسافرين عندج مجال الين اخر السابع بس بعده ما انصحج وما نعطيج ورقة لأن ما نتحمل مسؤولية
مع انه كل امور البيبي واموري طبيعية ما في اي شي الحمدلله

بس احسن شي تسألين الدكتورة الي تراجعين عندها

اختي مافي داعي للسفر

ومثل ما قالوا الخوات احجزي فندق في البلاد احسن

حتى انا خاطري اسافر بس مالنا غير الصبر لان عقب بيينا شي حلو النونو فديته ^^
غيري جو طلعي امارات الثانيه ولا حتى الدول المجارة شرات قطر وعمان
انا عن نفسي يالسه ببيت اهلي لانهم مسافرين هع هع