طبعا الموضوع 100 بالمية من الله … يعني احنا مالنا دخل فيه ..في بعض الاحيان لنا خص لو مهملين ولا ماناخذ بالاسباب.. ولكن بعض الأشياء تساعد على الحمل بشكل طبيعي فمثلا منو من الحريم شربت شيء معين لفترة وحملت من بعدها … او اعشاب معينة … أو كانت مثلا سمينة وضعفت وحملت … وكيف الوحده مثلا لو كانت هي وريلها سليمين شو لازم اتسوي عشان تتأكد انه الغلط مب من تصرف ( الجماع في وقت غير التبويض … أو الجماع بكثرة مما يؤدي لضعف في الحيوانات المنوية او الجماع بقلة وممكن يكون وقت التبويض بس اتكون الحيوانات المنوية مشوه وتعبانة) او مثلا عيب فيهم … يعني عطونا طرق حلوة وسهلة من مشروبات و اساليب الحياة يعني مثلا رياضة …. أو اي شيء ممكن يزيد من هرمون الاستروجين ( بشكل طبيعي ) غير الادوية … والاشياء الي ممكن تمنع الحرمة من الحمل بسبة الالتهابات مثلا ……. شو انواعها وكيف نعرف لانه الدكتورة مثلا اتقول خلاص انتي اوكيه ولكن لا يحدث حمل … فمثلا كيف الوحده روحها تعرف من الالتهابات الي فيها او في ريلها؟ شو الاعراض … يعني نبا ملف تجارب عملية وناااااافعة لبنات المنتدى … نفيد ونستفيد …
تجربتي :
أنا كنت واااااااايد متينة وتكيسات فضيعة و شعر في اماكن غير مرغوبة يعني اكتئاب ودمار ( كنت اقول لو تزوجت مستحيل أحمل لأنه عادي لين 6 شهور ماتيني الدورة!!!!) بس ع اخر شيء قررت اني اغير من حياتي وكان عمري 24….. سويت ريجيم ونزلت تقريبا 22 كيلو ماشاءالله تبارك الرحمن بس طبعا لازلت متينة جدا يعني يبالي 30 كيلو عشان اكون في الوزن المثالي… وطبعا هذا كله قبل الزواج ولين قبل الزواج بيوم وانا اسوي ريجيم عشان ماطلع وايد متينه … شسوي … المهم سبحان الله قبل الزواج ب 4 شهور انتظمت الدورة لاني وايد كنت اشرب ماي و شاي اخضر و قرفة واكل صحي جدا….. ( خذ مني سنتين تقريبا قبل الزواج ) …. وبعد الزواج (26 سنة) ماشاءالله حملت وربيت … ( بعد النفاس انتظمت الدورة لمدة 4 شهور وعقب ) من الاكل الغير الصحي و عدم الاهتمام وزاد وزني 10 كيلو ووقفت الشاي الاخضر و الاعشاب كلهااااااااا والتونة والسمج ( لانه الدياي فيه هرمونات يخرب جسم الحرمة ويطلع شعر غير مرغوب فيه و اللحم يرفع الكوليسترول وكنت لازم اضعف فوقفت الا كل فتررررررة اخذ قطعة عن خاطري ) حتى لو اشتهيت وايد فاست فود كنت اخذ برجر سمج بدون مايونيز وهالسوالف هههه … المهم الدورة الحين مب منظمة وماتنزل وتعبت نفسيا لأنها تتأخر …. لأني اتمنى أحمل … ورا بعض اذا الله اراد … لأني مب مانعة الحمل بالحبوب او اي شيء … بس الدورة جدا متلخبطة …وما أدري اذا عملياتي ( عمليات خياطة لانه صار نزيف 3 عمليات من بين كل عملية 5 ايام تقريبا) بعد الولادة لأنه صارت لي مضاعفات هل لها علاقة لأني رحت برع البلاد وقالت لي الدكتورة اني الحمدلله بخير … وحتى دكتورتي هنيه قالت نفس الكلام … ( في الزهراء ) .. مع اني مرات احس بالالام !
المهم نبا تجارب الحريم :
( الدورة منتظمة : / كم طول الدورة : / متى موعد التبويض: من يوم إلى يوم )
1- كم سنة متزوجة :
2- عندج عيال:
3- كم :
4- ضعيفة و لا متوسطة ولا سمينة :
5- شو الطريقة الي نفعت وياج لتسهيل الحمل او للوصول للحمل بإذن الله:
نبا كل شيء طبيعي و مب مشكلة لو اشياء مثل جل ( وحده ذكرت في موضوع قريته هنيه في المنتدى كونسيف جل …… يعني نفس هالسوالف بس طبعا احنا بنستشير الدكتورة قبل الاستخدام المهم مب دوا يلعب في هرموناتنا … ) و شو الفحوصات الي تخبرنا شو الي ناقص او شو محتاجين عشان نقدر نحمل … لنا وللريــال وشو بالنسبة للالتهابات وكيف نعرف انه شيء التهاب ولالا للريـال وللحرمة ؟
نبا تجارب صاااااااادقة … لأنه الدكاترة يلعبون فينا … نبا نعرف انتوا شو استفدتوا … الخ ..
( هالمرة احاول اخذ القسط الهندي وارجع اشرب شاي و قرفة ……….الخ وبحااااااااول اني ارد اكل تونة وسمج وابعد عن الدجاج و اللحم هذا بالنسبالي لانه يضرني كل وحده وجدولها)
وحاولت انقص 4 كيلو … هم قالولي أقل شيء أقل شيء 15 … ف بحاول…. وشو من الادعية الي ساعدت …!!!!!طبعا كله بإذن ربي
وأنتوا شو تجاربكم؟
انا كم خذت أعشاب وغيره بس ما صار حمل وحتى وزوني كان فوق المثالي ب 6 كيلو ونقصته لتحت المثالي ل 8 كيلو او اكثر ﻻن ماله دخل السبب من الله يوم جربنا العلاج طلع ان البويضه مايلحقها الحيوان وﻻزم تدخل واطفال انابيب عادي مايستوي ﻻزم حقن مجهري ، بس الحين افكر لو حملت ههههه ﻻن ما اخذ مانع بعد ماربيت
اختي اتبعي نظامج القبلي ونقصي وزنج ﻻن شكله هو السبب وخذي فولك اسد ﻻن يساعد على الحمل صار لوحده اعرفها
وروحي نادي رياضي وانتظمي فيه لين تحملين ﻻن يساعد ونظمي اكلج وكميته
