باكيت معكرونة حلزون ملون مسلوقة
دجاجة مسلوقة ومقطعة شرائح
4 ملاعق جبن سائل وبفضل جبن بوك
4 ملاعق مايونيز
مكعب ماجي واجد
مشروم مقطع شرائح
صلصة بيتزا جاهزة
زيتون أخضر وأسود مقطع
بصلة مفرومة
ملح وفلفل أسود
زيت
باكيت جبن موزريلا
طريقة التحضير
1- تخلط المعكرونة مع المايونيز والجبن السائل والمايونيز وتفرش في طبق بايركس.
2- تغطي المعكرونة بصلصة البيتزا الجاهزة.
3- يقلي البصل في قليل من الزيت ثم يضاف الدجاج ومكعب الماجي الفلفل الأسود والمشروم والزيتون بنوعيه.
4- توضع المقادير السابقة على صلصة البيتزا.
5- ثم يوضع جبن الموزيرلا المبشور على الطبقة النهائية.
6- ثم يوضع في الفرن لمدة 20 دقيقة.
*منقول *
للرفع
يزاها الله خير صاحبة الطريقة ..
معكرونه اي شكل تحبينه
جبن مازوريلا
جبن سائل
قشطه
زيتون اخضر واسود
مايونيز
مقادير الصلصه:::
صدور دجاج مسلوق ومفروم
بصل مفروم
ثوم مفروم
فلفل بارد مقطع صغار
صلصلة طماط (( معجون طماط))
ملح وبهارات
مكعب ماجي او على حسب اذا احتاج لمعكب ثاني
الطريقه ::
اولا تقومين بسلق المعكرونه
وبعد تصفيتها من الماي
تحطين عليها الخلطه البيضه
(( 3 او 4 ملاعق جبن سائل او الكميه اللي تبينها و3 ملاعق مايونيز وعلبه قشطه ))
وتسكبينها على المعكرونه وتخلطينهم مع بعض
وتصبين المعكرونه بصينية الفرن وتخلينها على جنب
الحمسه:
تقومين بقلي البصل والثوم والفلفل البارد والدجاج على النار بشويه زيت
وبعدين تضيفين المعجون ومكعب الماجي والبهارات بلي تحبينه
وبجذيه نكون خلصنا من الحمسه
نجي لصينية المعكرونه
نسكب الخلطه على المعكرونه ونرش على الوجه الزيتون الاخضر والاسود
وبعدها جبنة موزريلااا
ودخليهاا الفرن لين مايتحمر شويه الجبن
وعليكم بالف عاااااااااااااااافيه
جربوها بنات لذيييييييييييييييييييذه وطعمها طعم البيتزا والكل راح تعجبه
انا كثرت من الجبن والمايونيز مع المعكرونه طلع رووووووعه
ملاحظة : لي ماتحب الدياي تروم تسويها باللحم المفروم او الخضار بس
شكلها وااااااااو و من المقادير ان طعمها جناااان
ان شاء الله بس افضى بسووووي و بكثر من الجبن والمايونيز شراتج =$
الله يعطيكم العافيه