دليل لمدارس دبي الخاصة

السلام عليكن شحالكن خواتي

الغاليات انا فتحت هالموضوع عشان يكون دليل لمدارس دبي الخاصة

يعني كل وحدة تدخل تكتب

مدرسة عيالها

وشو رابها من ناحية

التربية الاسلامية في اهتمام والا
واللغة العربية

والانجليزي وهل تاسيسهم قوي والا

وشو الاشياء المميزة عندهم

وشو الي ما حبيتوة في مدرستهم

للرفع

للرفع

للرفع

ياريت يكون دليل لجميع المدارس بدبي والشارقه والامارات الاخري

وين الامهات اللي عيالهن يدرسون فمدارس خاصة فدبي
للرفع

السلام عليكم الصراحه انا كانو عيالي في مدرسه وحده بس لأني نقلتهم صار إثنين منهم(ثالث ورابع ) في مدرسة الحصن الخاصه الي في الطوار( منهج وزاري عندهم منهج امريكي بعد في المدرسه ) الي في الصف الثالث الحمدلله وايد مرتاح عن اول يعني فيه متابعه ملحوظه من المعلمات له كونه منتقل من مدرسه ثانيه + انا حاسه انه مستواه بدا يتحسن عن اول (من الاول للثالث اولاد يكونون في قسم البنات ) اما الولد الي في الصف الرابع فهوه في قسم البنين والحمدلله الحمدلله تغير عن اول وايد بتقولون ليش كان اول مشاغب وعنيد ولايسمع كلام المعلمات (في المدرسهالاوليه) + في مدرسته الاوليه كانن المعلمات يشتكن من حركته الزايده وانه مايسمع كلامهن وما تتصورن كيف كانت حالتي لكن بفضل الله ومن نقلته مدرسة الحصن تغير كل شي للعكس اول شي الي يدرسون رياييل يعني ماشي واحد ثنين وشادين على الاولاد حتى الي عنده ضعف في ماده يسووله تقويه فيها وبالعكس ماشتكو منه المعلمين انه كثير الحركه ومن هالامور حتى يقولولي تصرفاته احسن عن اولاد ثانيين مايقدرون يصيطرون عليهم /انا ما امدح المدرسه هاي لا بس الصراحه انا شخصيا مرتاحه من هالمدرسه وعسى الله يوفقهم ويهديهم , وعندي ولد في الروضه الثانيه عمره اربع سنوات حاطتنه في المدرسه الاسلاميه للتربيه والتعليم – وهوه مستانس عالابله والصغاريه وياه يعلمونهم اساسيات الحروف والاعداد ويحفضونهم الايات القصيره والادعيه والاناشيد / إحتمال اخليه يعيد الروضه الثانيه مره ثانيه لان سنه صغير ولو انتقل السنه اليايه إذا الله عطانا عمر إن شاء الله بيكون صغير وعقله مابيستوعب منهج اول إبتدائي وهذا الشي الي لاحظته في ولدي الي في مدرسة النخبه النموذجيه لان عمره خمس سنوات ونص واحسه مب عارف نفسه عدل هل هوه في الروضه او في الاول إبتدائي الحمدلله يستوعب ويشارك ويا المعلمات في الصف لكن تعالو شوفوه في الكتابه مطلع عيني ومخلني اترجاه رجا علشان يكتب مع انه بشهادة المعلمات لو يركز في الكتابه بيكون مستواه ممتاز (ومدرسة النخبه من احسن المدارس صراحه وشغل المعلمات فيهاواضح ) والباقي عندي الغاليه بنتي الوحيده صارت في سن 12 وهيه مب مرتاحه في مدرستها ( حكوميه) علشان جذيه بنقلها المدرسة الاسلاميه بتقولون ليش شوفيها غير عن المدارس انا من خلال سيرتي المدرسه هناك بحكم ان ولدي الصغير في الروضه لاحظت انهم وايد مهتمين بتنشأت البنات على الدين الاسلامي وفيه عندهم حصص خاصه (واحط تحت هالكلام عشر خطوط ) حصص لتعليم البنات الكروشيه والطبخ والخياطه اشياء بناتنا بحاجه لها علشان مايلتهون بأشياء ماتفيدهم والدوام وايد حلو من 8 لين 4 وفيه بينهم وقت المقيل والراحه + الصلاه جماعه وعلى وقتها انا مفكره اودي البنت من نص السنه هذا وهيه إقتنعت فيها .
ادعولي يكون إختياري لهم صح ويفيدهم ….. ويالله ابغي اسمع آرائكن في هالمدارس إذا تعرفونهم