راس البيبي فوق وانا في الثامن

السلام عليكم خواتي

اشحالكم ؟؟عساكم طيبين

انا اليوم سرت الدكتورة كان عندي مراجعة وتفاجئت ان راس البيبي فوق على العلم انه من اسبوعين كان راسه تحت والامور طبيعية
وانا الحين في بداية الثامن
ممكن ينزل راسه تحت وشو اقدر اسوي عشان ينزل راسه
وايد خايفه من موضوع الولاده القيصريه
منو استوالها نفس الحالة ونزل راس البيبي

انا ولدي لين قبل اسبوع من الولادة وهو يتحرك ما شاء الله عليه مره راسه فوق ومره تحت ربيت طبيعي
وبنتي هذي الي راسها تحت من السابع ولدوني بقيصرية
الله يسهل عليج اذا مب بجر لا اتحاتين

الله يزاج الخير اختي
لا مب بجر هذا حملي الثالث الحمد لله
وعندي بنتين قبل الله يحفظ عيالج
بس متخوفه راسه يبقى فوق

سمعت ان وضعية السجود تنزل راس البيبي

يا اختي عن الوسواس..

وشو يعني انتي ف الثامن… البيبي يتحرك مره فوق ومره تحت!!! اللي يسمعج يقول اخر التاسع
توج ف الثامن… وان شاء الله ينزل راسه

ههههههه صدقج عندي رهاب مب وسواس
اخاف وايد من الاشهر الاخيرة بالحمل على العلم هذا حملي الثالث
الله يسهل علينا جميعا